點解我隻肥倉成日飲水？

A.肥可能會飲多少少水既,大隻既鼠係會飲得多水過細隻既水

1/3安算多定唔多,就要睇返你隻鼠幾大隻,每日飲水既份量大約係鼠鼠重量既10%,熱就會再飲多少少,但而家天氣涼,一般應該係會飲少左水

記得之前你話隻鼠唔夠肥,而家如果肥返既話,要睇返佢係咪轉肥之後先飲得多水,定係肥左之後,再忽然飲得多

暫時覺得要留意返以下既問題:

1)水樽出水問題
檢查水樽會唔會漏水or出水太快,睇下d水會唔會唔係飲左而係漏左去
測試水樽出水有冇問題,最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況,我次次換水都會咁試既

如果水樽冇問題,同時要留意返係咪次次入水都係入滿晒,因為滿晒先冇咁易漏水

2)食藥問題
如果係之前肚瀉要食藥既鼠,要留意返係咪病緊開始飲咁多水,因為鼠鼠肚瀉流失水份較多,飲得多水唔出奇,加上止瀉藥有d會令鼠鼠飲多d水,咁對肚瀉都有幫助
不過咁耐之前病,應該好返了吧?

3)食用問題
留意返鼠鼠食既野會唔會好咸or味較重既食物,食左呢d野都有機會令鼠鼠大量飲水,而隻隻鼠對食物既反應都未必一樣,所以一隻有呢個情況,一隻冇都唔出奇

4)身體問題
留意返鼠鼠身體及排泄物會唔會有異常,睇返鼠鼠會唔會成日訓,食野份量有冇少到,鼠鼠有病徵or有異常,就盡快處理

B.鼠鼠原居沙漠,唔係成日都可以有水飲,所以鼠鼠既尿會較濃,減少水份既流失
飲得少水都唔洗太擔心,但當然真係成日完全冇飲就唔好,真係冇飲既話,可以試下在鼠既食物上加水,如果你用既籠係通風式,可以整乾淨個籠邊,or鼠鼠訓既屋仔,整少少水上去,一般鼠鼠應該會舔乾佢既

佢唔飲水要留意以下事情:

1)檢查水樽出水有冇問題
如有問題就要買過個新既,檢查方法如A1

2)會唔會只係日頭唔見佢飲呢?
鼠鼠係日頭活動夜晚活動,所以日頭訓既多,飲食玩都係集中在夜晚,所以有時會見唔到鼠鼠飲水,將水樽裝滿水,留意一下鼠鼠係咪真係成日都唔飲啦

3)鼠鼠有冇唔食野or好累咁呢?
仔細檢查鼠鼠身體及排泄物有冇異常,睇下鼠鼠會唔會有唔舒服所以唔飲水

4)鼠鼠有冇受驚呢?
睇下鼠鼠近來會唔會受驚,例如會唔會係新買返唻?會唔會外來人or物令佢驚?
鼠鼠受驚都會唔飲唔食,所以要避免令鼠鼠受驚既情況,特別係新買返唻既鼠,頭2日最好唔好打擾佢,如果買得耐左都係好驚人既話,最好都俾佢靜下先,再慢慢同佢熟

同鼠鼠熟可以試下以下方法:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

5)同一籠又會唔會有鼠鼠一齊住?
鼠鼠係獨居動物,所以如果有第隻鼠一齊住既話,都會令鼠鼠感到緊張同驚,最好就將佢地分籠

6)鼠鼠真係唔飲水既話,要留意會唔會脫水or中暑呢?
脫水及中暑特徵:
1)行得好慢
2)行路趺下趺下
3)身體發抖
4)甚至摸佢都冇反應

處理方法:
中暑既話就要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生
而家天氣涼,好少會有呢個情況,但都要睇返鼠籠放既位置會唔會有問題,會唔會太熱OR近住熱既物品

2007-11-02 03:12:16 補充：
如果睇返隻鼠既重量,同以上所講既問題,發現隻鼠係飲水多好多既話,就要小心,同時睇返鼠鼠會唔會好多排泄物同個身唔定,震下震下,身體較凍,因為有可能會係有糖尿病

2007-11-02 11:55:55 補充：
老公公鼠正常體重大約1-1.4安士,你隻鼠好肥既話,當佢1.5安士?如果水樽冇問題,咁都飲多左幾多水喎建議你暫時停晒d雜食睇下仲有冇飲咁多水,記得之前你話2既鼠鍾意食木瓜乾,最好都停左佢先,木瓜乾都幾甜,怕有糖尿病都唔食得糖尿病徵狀係飲好多水,排泄物好多,身體唔穩,震震下咁,身體會較涼

2007-11-02 23:42:58 補充：
睇返你之前既發問,好抱歉知道你家人有糖尿病,其實可以用驗人糖尿病既試紙去check下鼠鼠既尿,同時戒零食睇下仲有冇大量飲水既情況,有d糖尿病既鼠一日飲成1,2支水,所以未必你隻鼠係既唔放心最好都係去睇下獸醫,可以帶埋鼠鼠既尿去唔洗客氣,我記得既話,有咩答漏,就算做左最佳答案,都一定會再email人講返,答問題唔係話做左最佳就唔洗理呢^^

係ar!係因為佢肥,要飲多d水orbring it see dictor!

2007-11-01 18:23:15 補充：
not orbring it see dictor..sor..is or bring it see doctor