✔ 最佳答案
行山鞋主要分3種,一般係分2種既,我加多左類入去
高筒型,即係包腳眼既一類。
如果鞋既大細合適,會做到包腳眼及包腳跟既「人鞋合一」效果。
呢類鞋鞋底勁硬,行雲石地、石屎路你就會腳痛。因為對鞋設計比人行草地、泥地或爛地用既,高筒亦有助防止對街入水。
你指既普通行山鞋,應該係短筒型,唔包腳眼既。
現時既短筒街鞋底質素可以話同高筒差唔多。而同樣都有防水功能但係當然無高筒防水位咁深啦。
短筒設計係較為方便腳眼轉動,所以亦有種短筒鞋係軟底方便跑山既人用既.
第三種,就係落水行石澗專用既運動型涼鞋,呢類我自己加既。
你需要按自己既情況買你需要既鞋. 如果你行開石屎路,或者普通草地,短筒或者好適合你。
反之你係穿林開山,奶茶咖啡地(天雨大爛地),以及係full gear幾十磅上身o固隻行法,高筒對你雙腳既保護力較好。
牌子無咩大問題,我通常會著一種行鞋有個logo "Vxxxxxxx" 既,個logo好易認,8角型既,一時醒唔起點串,呢個鞋底既生產技術以前做飛機輪胎既,用唻做鞋底可以放心.
至於你係入門街既話. 平到3百蚊都有交易. 上到1000既就唔算係入門鞋了.
買鞋.
你想多款既就波鞋街.
作條街既遠足用品店都有人幫到你.
你想學野既就油麻地永星里既英昌皮具,雖然款唔多,但係個老闆教你買野既心得仲值錢。或者你響屯門元朗銅鑼灣既行山店都有差唔多水平既人幫到你買鞋.