番大陸按摩~

只係沖涼和廁所的地方分男女部, 一般沖涼都是分開一格格, 如香港的公眾泳池和運動場或做jim的健身室, 有lockers, 可以在lockers前面的地方換衫, 也可以入去廁所換... 不過大部份人都在lockers前面換, 個個都係咁, 又大家都係女人, 快快手, 無話邊個睇邊個...
腳底按摩區多數是在大堂, 男女一齊的
按身的要入房, 有單人房, 有二人至四人, 有些甚至有五人房, 識得的可以男女同房, 唔使分開
一般程序是, 入到去攞locker鎖匙, 男女賓分開的, 咁你入到去女賓部, 搵到自己個number的locker, 放好自己手袋, 換衫 (一般都有提供的, 是兩件頭的), 鎖好locker. 攞大毛巾去沐浴沖個涼, (或者有人會除晒衫, 包住大毛巾去沖涼, 沖涼先著番衫), 多數都已經有沐浴露和洗頭水/護髮素, 你唔嫌煩, 可以自己帶去 (本人只自備洗頭水/護髮素), 沖完涼, 去按腳區(大堂), 到時join番男友或朋友... 搵位坐底, 可以叫師傅按腳, 一般有服務員安排幫你搵位和叫師傅, 叫杯嘢飲, 按一個鐘腳... 如果唔按腳, join左男友後, 可以同服務員講話要房和搵師傅按身, 服務員會給你安排的了...
可以要求指明要女師傅, 有相熟的可以叫number, 睇下個師傅有沒有客...
有中式, 港式, 甚至泰式按摩, 中式是按穴位和筋骨推拿, 比較痛, 港式會推油, 要除去上衣, 所以如果唔係相熟, 就咪男女同房了... 你可以自己帶按摩油 massage oil (在body shop 或 屈臣士有得賣, 甚至用baby oil都得), 你不自備就用按摩師的, 佢地多數用baby oil... 你甚至可以自備按摩用的香薰油或按摩膏, 或藥油, 如紅花油等... 甚至可以做埋刮沙, 拔罐等... 但之前最好問明價錢先, 多數加十元... 師傅會問你邊度攰D, 會同你做多D的
做完推拿, 再各自去沖涼洗頭 (之前無洗頭可以推完先洗, 自己長頭髮, 唔想濕立立做推拿, 多數呢個時候洗), 如果做完刮沙/拔罐/推藥油, 就唔好沖涼了...
可以去焗桑拿, 推拿前或後焗都可以, 自己多數推拿後洗頭, 搽埋焗髮油, 去焗10分鐘, 沖完水, 先換衫走人... 註: 焗桑拿不用額外收費... 桑拿室會在男女更衣室各一個, 男女分開的, 但有的會另外設有男女共用的, 方便男女朋友或夫婦共用, 但其他人都會入去...
通常有地方比客人吹頭及整理妝容
攞番晒自己的財物手袋, 到reception lobby 比番條銷匙牌服務員, 人地會俾張單你找數..
推拿師會根據你key number 記低你用過的服務計數.. 飲品及水果免費, 有些推拿中心, 按四個鐘以上送小食或面食...



2007-11-01 15:30:16 補充：
在羅湖聯檢大樓的二樓停車場有專車接去... 那處有很多按摩中心都有車的, 會有人安排的了...

其實要睇下你去邊間按犘，有d真係要分開男女賓部，男一層，女一層，只係按腳的地方才是男女賓一齋。這些地方通常可以做推油，及有衣服提供更換。男賓不能揀女師傅，女賓不能揀男師傅。

有d是男女賓可以同房，多數會著番自己衫，所以會著d鬆身衫去。而且可以任揀男女師傅。

沖身的地方一定分男女賓，及有獨立間格。不用擔心。

我都有試過返大陸按摩，每次都會同男朋友一間房，唔會自己一間房。我諗如果你要求既，一定可以安排你地同一間房既.....所以唔洗驚。
之於按摩之前沖涼，都唔係一個大浴池咁唔衛生既，都係會分開一格格，你放心la.....