在家中看電影需要些甚麼音響設備呢？

你所講既係的叫5.1系統既套裝組合.通常係一部擴音機配6隻喇叭,6隻喇叭係前中,左,右.後左,右及一隻超低音.部份組合會將個擴音擺埋落超低音度.
一啲組合甚至會包埋DVD機.
效果會比就咁用電視出聲明顯好上幾倍.
價錢由二千幾到幾萬都有.通常都唔包安裝,因為其實好簡單,只係將啲線接埋就OK.最麻煩就係要後置掛牆同埋接後置喇叭線.可以好簡單又可以好複雜,有啲人就咁放喺腳架或窗台,啲線就咁經地下過已經可以出到聽,幾分鐘就搞掂,但係你又可以鑽牆掛喇叭,落線糟搞到好好睇睇,有啲人甚至要掘牆埋線,所以要另外加錢的.
市面上有啲無線後置喇叭組合,一來音質冇有線咁好,二來其實你一樣要附近有電線位的,因為喇叭係要用電的.所以唔係咁建議.
最新制式冇錯已經係7.1.但係香港地除非好有錢,否則冇位夾硬裝,效果會差過5.1.因為7.1多出的兩隻後中置必需要放在比較後的位置才有好效果,香港地個個都梳化貼牆,只可以夾硬擺在後尾枕處,一出聲就到耳仔變咗要較到好細聲,喇叭發揮唔到.
玩得7.1通常都會較高要求,會分開買擴音機同喇叭,唔會買套裝機,所以我都未見過套裝機有7.1的.

其實音響設備唔一定貴就好既...
便宜D既設備其實有好多,真係要多d出去睇/上網睇..
同人交流下lo...
照你既套裝,入門級就應該唔駛好貴既姐,
一係俾網你上去參考下...格下價^_^
http://hk.88db.com/hk/Services/Post_Detail.page/media_photo_av/Audio_Video/?PostID=83479