只係想死心....

做咩要聽傷害嘅說話先至死心??其實你都知佢講大話,果頭作個藉口話要冷靜一個月,
轉頭就同另一個去街啦,(雖然你話當時佢地未開始,恕我直言,女仔肯同人出街已經
比緊機會人,開始咗la,唔通你以為佢貪人地請佢食飯??)你應該估到佢當時只係想抽身
去跟另一個發展,但又想有個士啤放係度等佢,萬一衰咗都可以返轉頭(到時你以為佢
真係冷靜了一個月而諗清楚又回到你身邊,佢就過骨了),但如果佢同另一個繼續發展,
無衰到的話,咁你就被out,無得留低la....佢根本好自私,如果真的愛一個人,根本唔會
比機會別人,唔會計較別人是否好過自己身邊果個,更加唔會有計畫地去作個咁嘅大話,
佢就可以進可攻,退可守,但就當人儍嘅,如果當時佢唔係比你見到,可能佢重厄緊你!
你而家重話你揾佢多,又話未忘記.....(我諗佢好清楚你仍然甘心做佢士啤,所以唔會
同你講:你死心啦!我同人地發展緊呀!)你對感情嘅態度咁認真,好多女仔渴望的,好多
人撞到頭崩額裂都撞唔到一個較為認真的,請你不要為一個當你後備,抱着騎牛揾馬
的態度對待感情的人而煩惱,佢已經浪費左你嘅時間,快D開放自己,給市場上其他
女仔機會吧!好唔好?當我代其他姊妹求吓你吖!!

自己愛既人就得吾到，但偏偏吾鍾意既人永遠都糸你身邊，大家做緊大家。
其實你自己都識得諗，明知佢吾會番你身邊，點解你仲要洗時間？
你做什麼都沒有用，佢睇吾到，睇到亦吾會感動，佢是冷血的，你是心軟的。
放吾底？放吾底．．．唯有祝福他人吧，過多一年半載，再經歷多幾次，你就會明白，應該如何戀愛。