鬥獸棋有冇d贏緊ge方法呀?

當然無實贏的方法.
首先想講, 樓上的好似唔多明白規則係點, 鬥獸棋的目的係進入對方的獸穴.
至於陷阱呢, 其實係用黎消除對方的棋的攻擊力,但對自己係無影響的.

即係我的虎入左自己的陷阱, 對方的象, 獅,虎都可以入去食, 但其他的貓狗等就唔得.
到對方的獅入左我的陷阱內, 我的任何一隻棋, 包括本來弱過獅的貓狗等, 都可以食o係陷阱內的獅, (當然, 若果唔食, 下一步獅進入左我的獸穴對方就贏)
所以防守的方法, 並唔係將除鼠外的最弱三隻塞住個陷阱, 而係守o係陷阱旁的位置.
將獅, 虎守晒o係河中間其實都無乜用, 隨時悶戰一場.
普通黎講, 獅, 虎, 豹負責進攻, 而貓狼狗負責守陷阱, 再加象做護衛. 鼠就負責牽制對方的象.
講開規則, 好多變種, 例如狗可以或唔可以入河.(若狗可入河, 就會同豹交換角色)
獅虎豹的跳河方法亦好多時唔同, 呢d 其實無乜所謂, 現之前雙方講明先就ok.
但有關陷阱的就一定要原本的先至好玩, 如果唔係大家"塞住個陷阱", 好鬼悶.
至於其他規則, 都可以參考維基
http://zh.wikipedia.org/w/index.php?title=%E9%AC%A5%E7%8D%B8%E6%A3%8B&variant=zh-tw

冇話贏唔贏緊嫁~~~
不過有d方法會容易贏d。
1.將獅子同老虎都放係兩條河中間（以封鎖敵棋過河；大象、獅子及老虎除外）
2.將最廢既貓、狼同狗放係陷阱中（保衛獸穴）

方法1既壞處就係會比對方既獅子同老虎過河開大食會，不過適當運用大象，可以減少死棋。