✔ 最佳答案
唔知你既鼠係咩鼠呢?兩隻鼠係咪一齊住?係咪同年紀?
如果係細隻既鼠(非熊仔鼠),就算係十分老了,就算係熊仔鼠都算老
兩歲多既鼠忽然好瘦唔食野,同埋行唔隱,除左要留意佢年老既問題之外,都要留意返佢係咪唔舒服or有打交既行為,如果兩隻鼠係一齊住,而年紀不一,更易有打交行為(同年紀其實都有打交既風險)
暫時既資料唻睇,我覺得有以下既野要留意:
1)排泄問題
老左既鼠好易因肛門一帶既肌肉鬆左,所以排泄會較困難,咁就好易令鼠鼠行得唔穩,甚至行唔到
分辨便泌:
a)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬;唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
b)清晒個籠之後,再仔細留意佢既排泄物係咪真係少左
c)睇下鼠鼠排泄時會唔會好辛苦,平日休息又會唔會好痛苦咁縮埋一舊
d)便秘有時會見到佢肛門附近會濕濕地咁既
e)留意會唔會有排泄物塞住左
便秘處理方法:
a)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
b)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
c)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
d)情況都冇改善(2日度啦),就必須睇獸醫處理,俾愛護動物協會資料你參考一下
愛護動物協會診所資料:(需入會)
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
2)行路趺下趺下
年老既鼠身體都會好弱,往往會出現唔願郁,行路趺下趺下咁,要留意,如果佢行既時間有問題既話會唔會有野整到佢,例如地板,樓梯,轉輪會唔會係有隙,有隙既話本身都會易卡住鼠鼠,而鼠鼠老左既時候,行得唔好,咁就仲危險了
3)牙齒問題
鼠鼠瘦得快,要留意佢既牙有冇過長令佢食野困難,有冇過長可留意佢合埋口時係咪合得晒,合唔埋or流口水既話,就要帶佢俾獸醫去剪牙,唔係牙齒過長,好易插穿鼠鼠既口,咁就會死了
如果只係牙好長,但又唔係太多既話,你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既
4)食物問題
鼠鼠瘦落唻既時候,如冇其他疾病因素,就可能因為年老而唔夠營養,你可以俾d白麵包or麥片佢食,補充營養
同時,可以整碎dd食物,怕年老既鼠鼠牙唔夠力食太硬既野
5)日常檢查
鼠鼠年老就會需要更多既休息,減少拎鼠鼠出唻,
保持個籠衛生,防止有外傷or皮膚病等問題,多d檢查鼠鼠既身體,牙齒同排泄物,有咩病盡快睇醫生處理
6)分籠
最好分開佢地,一來唔知係咪生病,有病既有機會傳染or第隻鼠乘機打死對方
7)如果兩隻一齊住,出現一大一細既情況,其實已經意味住有肥既蝦隻細既危機
倉鼠本來就係獨居動物,細隻既時候可以冇咩事,但慢慢大個就好易會打交,就算佢地同年紀,都唔代表兩年都冇事就一世都冇事
2007-11-01 00:00:19 補充：
忘記講,就算有便泌既情況,最好都唔好俾蔬果之類俾鼠鼠食先,可以俾d橙既衣去幫忙,冇便泌就可以俾白麵包,麥片俾鼠鼠補充營養正常情況下,我覺得鼠鼠食鼠糧已經足夠,食蔬果太多水份反而令鼠鼠有機會肚瀉,特別而家鼠鼠年老,肚腸更加唔好,就算佢肯食都未必係好事,詳細原因可參考以下我回答既知識:
http://hk.knowledge.yahoo.com/question/?qid=7007092903208
2007-11-01 00:02:03 補充：
鼠糧我覺得最好一次放較多入籠會好d,鼠鼠係知飽,而且有收埋野食既習慣,多d野食先會令鼠鼠更有安全感
2007-11-03 00:05:54 補充：
好抱歉知道你既鼠已經離開,希望唔好太難過鼠鼠食屍體要留意返佢既身體及排泄物會唔會有異常,始終都好多菌,又唔知死左既鼠有冇咩病在身,所以要觀察多d同埋有鼠鼠死亡,最好用小動物消毒劑or牙膏去消毒一下個籠先再用,咁就冇咁多菌我以前都見過鼠鼠食返鼠鼠,明白感覺真係唔好受希望你日後會考慮下一籠一鼠啦,詳細原因可參考以下我回答既知識(問題雖然係講小露寶,但咩鼠都適用)ttp://hk.knowledge.yahoo.com/question/?qid=7007102704253
