急症室的疑問

你這個問題應該唔駛到急症室搞... 雖然去也不會什麼問題

正路一點來說，需唔需要去急症室，要先看你的擦損的情況及事發經過﹕

1) 若你受傷的情況是因為嚴重的意外，如﹕交通意外 (比車撞、在車輛行駛時，在車廂內跌倒、落車時跌倒 ....)、比人打 (尤其是有用武器)、由高處跌落來、事發時頭部也曾撞擊過... 有可能有內傷，睇急症室是非常合理的決定，因為一般公立普通科門診或私家醫生都沒有合適的設備 (如 X光) 做進一步的檢查。

2)如果沒有上述情況，輕微擦損是可以到公立普通科門診巳可以了；因為等候時間，隨時快過係急症室等好多；而且它們大多數都備有預防破傷風針可以同你打，以及洗傷口服務。私家醫生則未必有這服務及藥物提供。若然你要去急症室也是可以，只是等待時候有可能長到你唔信 - 隨時等你 60 - 180 分鐘都得。而且得到的效果也是同普通科門診差唔遠。所以除非你係三更半夜搞成咁，否則去普通科門診算數了。


在急症室，這類情況的一般處理方法﹕
1) 先經分流 (會唔會被人窒，就睇你個人係點...你串時人地時，就預咗被人串返)，按你的情況、受傷經過及傷勢獲分流到合適的級別
2) 被分配到合適的地方等睇醫生
3) 醫生見完你，按情況佢會解定你有冇需要照 X 光.... 當然要照的話，又要再等
4) 醫生也可能按情況開少少止痛藥比你
5) 護士同你洗傷口，然後睇下你自己搞唔搞得店個傷口護理 - 唔搞就比張洗傷口紙你自己定期去普通科門診洗傷口

唔應該睇急症，除非那時半夜無其他醫生可以睇。 柺吓是因為你覺得痛。 你如果有骨折就應該睇急症。
點醫通當幫你清洗傷口，包紥一吓，你痛得利害會給你消痛藥或消炎藥。
不要過份使用急症，這樣 1) 你因分流要等好長時間 2) 要浪費了真正好急人使用

邊算急證 -_- 小學生跑呀跑跌親損膝頭實傷過你都係去呀姐度查紅藥水
你去到都係比人擺埋一二邊﹐可能有護士幫你先落口供問點整傷﹐量體溫看有無發消﹐乜都正常既幫你洗一洗傷口包紮走人
要去急症既都等你跌親後發消了先去啦﹐普通整親既有手有腳自己識搞惦﹐何必阻住真係有需要既人? 學下小學生咁﹐用紅藥水!

當然可以啦!D醫生護士好好人,你不要諱疾忌醫呀!
醫生會點醫療要視乎傷勢而定,他們自有辦法的了,在此很難一概而論。

你去急症室，分流時會被護士窒，但唔會唔俾你睇，跟住會排你到最後，可能要等 4、5 個鐘，到見醫生時，醫生會叫你睇番街症，會話你濫用急症室，跟住隨便俾藥你，打發你走。case close

你就算是傷風，也可以看急症的，但分流等待的時間會比較長，一般：醫生會清潔你的傷口，打破傷風針，再用砂布包裹，兩星期左右覆診。