有關清潔奶瓶和換尿片問題

1.用水清洗完之後用個電子煲蒸一次, 當BB 出世後由醫院返屋企嗰日朝早再蒸一次, 咁 BB返到屋企就可以隨時有得食, 唔洗等.

2.BB用嘅食具千其唔好用任何清潔用品清洗, 只需要用清水沖洗乾淨放埋一邊, 等夜晚一次果同奶樽, 水樽及奶咀用擦擦淨再過清水, 然後放落電子煲消毒. 你放心, 由於蒸氣高於100度, 可以將奶樽切底消毒, 但記住, 消毒後的奶咀部份唔好用手觸摸, 你可以手持奶樽樽蓋部份,然後用奶樽夾把奶咀拉出.

我以前就會待奶樽冷郤後(已煲蒸) 放入雪櫃備用.

3. 濕紙巾會出街時用, 在屋企我會買一個約5-6吋盆仔, 每次換片後用毛巾仔及暖水幫BB抺pat pat, 如開大時, 先用棉花(一大包藥用棉花, 用幾多搣幾多, 唔係棉花球) 濕暖水清潔,再用毛巾仔抺淨

1. 新奶瓶奶咀要預先洗淨再用蒸氣消毒煲消毒一次, 最好在使用前再用熱水沖沖再用.

2. bb飲完奶,啲奶瓶奶咀最好用bb洗潔精用奶瓶擦擦下沖水再放落電子煲消毒就得架

3. 最好每次換尿用暖水抺下, 但屎先用濕紙巾抺乾淨後再用暖水抺下,不會容易有尿疹

1.用水清洗完之後個電子煲蒸一次就得架喇!
2.BB飲完奶,建議你先用清水沖洗乾淨放埋一邊等其他幾個奶樽都用完再一次過將所有再徹底洗淨,然後一次過放落電子煲消毒就得.
3.醫生唔建議初生幫初生BB換完片時用濕紙巾,主張用暖水抺.整乾淨後可用擦潤膚露,但無需次次用,一日一次已足夠.