大家覺得真空煲好用嗎 ?

烹飪錦囊網頁就「真空煲」及「高速煲」好用否有以下的討論，可作參考：
ž 我覺得各有各好，2隻我都有用過，真空煲就較為適合返工人士，如返工前煲定湯，放工就有熱呼呼湯飲咯！而且佢有一樣野好，就係燜野靚，如豬手、牛腩、羊肉都好好，呢d係高速煲較難做到。

高速煲可以好快咁煲好湯、粥、紅豆沙等甜品，另過年我亦有用黎蒸糕點，慳唔少火/時間！！如果係家庭主婦，中午晚飯想飲啖靚湯，係好選擇。
ž 我用過真空煲，但我宜家係全職媽媽，我就無再用個真空煲，用番明火煲湯，但係有好多湯用真空煲係唔掂，如魚湯，所以有時間都係明火煲湯正。
ž 當時我用真空煲就少煲魚湯添，反而老火湯/燜野唔錯。

我依家用高速煲好安全，因為佢話如果使用不當係加唔到壓 (即鎖唔死) ，而佢加壓時係開唔到的，你要聽到"啪"一聲 (即完全減壓) ，咁先至可以打開個蓋, 所以非常安全，而且佢個煲有買保險的 (AIA)。

至於魚湯呢，我就成日用啦，因為我開始谷副偈餵人奶，所以煲魚湯煲得好密，個人感覺好好味，我個煲大，所以通常煲9個字熄火，由佢自己減壓，就好好味啦。
ž 我兩樣都用。

一個高速煲用左十幾年，只係幾年前換過條防洩漏膠邊，它只須平常1/3時間，即是你想煲三個鐘頭的東西就用一小時，個半小時的就用半小時，我覺得煲湯就等於瓦煲煲咁'溶'，水份容易預計，因它唔會乾水，你飲幾多落幾多；至於燜野就要靠經驗，因如過時，d 肉就'林'過頭，無得救。

真空煲就有呢樣好，如果朝早擺肉落去焗，到晚上肉質就剛剛好(我家的口味)，不怕過時'林'過頭，湯方面就需要食之前再直接煲多十幾分鐘，就會比較'溶'd。

總括，正如小白427說，如返工的就適合用真空煲，如想快的就用壓力煲，而我兩個煲的容量不同，就看當日的需要，所以我兩樣都用。
ž 我個人認為高速煲既湯同老火湯味道無咩分別，煲完d 豬骨好「林」，真係連骨都「o趙」埋。我覺得煲咩湯都得，只係在煲粥或豆類時就要留意不要太滿，免它容易滾到氣孔而阻塞。缺點方面我未想到，只係在燜肉時要留意時間控制得宜，情願之後加時也不要過時就是了。
ž 多謝你們給我意見！我想真空煲會較合我，我要返工，就快用工人了，怕她不懂用會生意外，對嗎？請問那隻牌子好呀？其實我都想用高速，但兩者都好貴， 只好選一樣囉。

好好用,但同明火煲出來的分別大~~

軟身
出味
2.5小時

其實我自己就覺得好好用,
好多時d人因為唔識用, 所以覺得整出黎既食物同明火既有d唔同,
我既心得就係因為真空煲係利用維持煲內長時間處於高溫之下而焗到食物淋既,
我既用法係先放材料入煲內, 再用明火煲半個鐘左右,
然後放入真空煲外殼內, 等裡面既材料已經淋左之後,
就拎番出黎再放上明火大火咁滾多半個鐘就食得,
咁煲既湯就唔會太清, 總覺得唔夠味,
因為之前已經將材料焗淋, 根本已經出哂味,
但中國人飲湯唔習慣係清湯, 所以再用大火將材料翻滾半個鐘,
就會變成平常飲既濃湯喇........

真空煲...1 D 都唔好用！明火煲出來味道很香濃..真空煲味道清淡，只適合没時間而又要工作人仕用，我用過最後只好送比朋友,我有時間都選擇用明火煲湯！