結婚事情一問

我唔會覺得因為你地拍拖拍得唔長而唔應該考慮結婚,因為我自己和男友都係一拍左半年左右已經諗住要結婚,最後由我地一齊到真係結,都只係2年多少少,有時0的野搵岩個人好難講的。

但問題係,我想你知道結婚係兩家人既事、而唔係你地兩個人既事咁簡單;
你屋企人知唔知你地想結?可能你地諗住好隨便咁攪下就算,唔駛用好多錢;但結果原來家人既要求唔係咁既,咁你就失哂預算。我認為你地要同家人商量左先,起碼知道大攪、中攪定是旦攪都OK。一般中攪(即係成日由註冊去到夜晚擺酒請20圍左右)既話,你預自己要自比左出黎先既要十幾萬至廿幾萬左右,然後結完0個日先收番人情,咁可能自己真係比既就幾萬左右。

如果你地真係想結婚, 我認為你地可以一邊儲錢一邊做research,酒席既野唔駛咁快book呀?我都係一年前先book的, 你要知道book要係要比錢的,touchwood有咩外在既問題,最後攪唔成,0的錢就會side左了。

同埋你要預番,結婚好多野都係要比cash的, 好煩… 除左酒席之外
流動資金要有。

唔使咁急呀
相處耐d先
可以試下同居啊
你都好大年紀喇

　　就你上述所提供嘅資料，你講野嘅語氣就知你都未有心理準備啦！雖然我唔明點解你地要咁急結婚！究竟係你地雙方家人俾你嘅壓力？定係你地都心思思想結婚去組織家庭？其實幾時結婚係冇一個準則，我以前一位中學同學，佢地阿爸阿媽一樣好早就結婚，到依家四十年啦！一樣咁恩愛！不過我另一位朋友就唔係咁好彩，拍咗拖十年諗住結婚，但最後都分咗手！雖然你地收入唔多，有多人都會話貧窮夫妻多爭吵！最重要佢有冇心同你熬，比你地收入少嘅夫妻大有人在，我覺得問外人好難俾到一個好嘅意見！好似你地嘅性格，生活習慣．．．之類，你地兩個會比較清楚大家，大家相處有好多學問，相愛容易相處難，最緊要大家有良好嘅溝通！喺結婚之前，我會自張同居先，因為可以俾大家睇清大家，了解大家平時嘅習慣，當大家覺得時機成熟再結婚，總好過結完先去睇清楚囉！結婚只不過係喺法律上有約束力，多一張結婚證書，同埋對親朋戚友交代而已，既然你地諗住２００９年先結婚，呢段時間咪再了解多啲先囉，如果許可，我紿終覺得大家先同居，就當係結婚前嘅一個準備囉！預祝你新婚快樂！！

咁要睇番你地平時有d乜嘢重大開支, 有無嘢要分期付款?
依家駛吾駛供樓?有無家庭負擔, 要吾要比家用?
其實呢d嘢都有數得計, 你地都應該大概計到每月平均既開支是否應付得到,
至於拍拖長短吾係問題, 最緊要係大家在相處溝通方面,是否可以協調,
畢竟兩個生活方式吾相同既走埋一齊,有好多嘢都要靠雙方去維繫,去配合, 去包容,去體諒,
去了解...

it is good結婚...
OK! ! !