我喺公司對一位女同事有好感

您都係有好感啫，都唔需要咁急，但我相信您日日咁對住佢，您遲早一日會中意左佢，由好感變成中意都係一線之差。仲有佢職位比您高依樣係男人嘅大妒，我相信好多男仔都接受唔到，您真係要自己想想啦，萬一您哋將來一齊，一定會為左依D嘈交。仲有講下女仔心聲比您知，大部份女仔都中意男仔叻(職位)，中意男仔可以養到佢心態，(以上兩點您唔冇)，加上拍拖出街大部份都係男仔比錢，如果佢知道您收入低，佢一定唔好意思叫您比錢，您嘅感覺好似比人睇唔起，您個心會好難受，因此又嘈交，好快分手(除左您唔介意)。以您個CASE，佢會當您係小朋友OR弟弟咁要照顧，女仔係唔中意，女仔中意被人照顧，以上正如女仔唔中意找一個細過佢做男朋友一樣心理。

我覺得您都係睇定D，SEARCH下佢中意咩類型男仔，我可以話比您知，追一個女仔真係唔難，您送下花，佢已經好冧啦!

您唔好介意我咁直接，只不過想比小小意見您。

其實而家都係有好感...
都未去到鐘意階段, 對嘛 ?
所以唔使咁快諗呢個問題!

就算第日有機會真係一齊左...
咁你就要問自己...呢樣野係咪真係咁重要,
會影響大家既關係 ?

又或者先了解對方對呢方面會唔會介意,
如果冇問題就當然好啦~
如果真係覺得呢個係問題 , 而你又好鐘意佢既話 ,
你就要用行為証明比佢睇...
其實你對佢好先係最重要...
要等佢明白兩個人一齊係唔應該計較呢D既~

祝你成功呀^^