D人話"買股票要做足功課",做足功課即係做咩ar???

你要投資前都要了解下間公司係做D乜，有無發展前境，同埋股票價格係受社會經濟同政治因素所影響，所以要好留意世界新聞。

睇圖都係方法之一，但唔可以依賴過往既股票表演去分析將來的走勢，兩者無乜關係，你可以睇下圖表見到過往股價的升跌波幅幅度，可以睇到股票係咪係高位/低位/股價"吹"勢係向上定向下。

年報可以睇到公司既財務情況，資金流，負債資料.........通常都係財經顧問，分析員同一D比較專業投資既人會睇年報，一般小股民好少睇因為太厚同唔識睇，不過睇年報係最好既方法去了解果間公司。

睇新聞:個市場有效率架麻，緊係快手啦......不過好多時D消息都會令股票有一段時間升/落，有時都係要睇下你既運氣架........如果你下下要最高位放貸最低位入貨咁就難啦，股神都未必做到啦...

唔好本住投機既心態去買股票，應該要睇長遠D同量力而為，唔好瞓身，而且現在股市升到31000點，唔係入市既好時機，風險太高，特別係你係新手，你可以趁呢個時候去學習下，睇下股聞，睇下D財經節目，學下D股票分析員點分析股票，收集多D資訊先啦~

等個市正常D既時候，你可以考慮下買大股，安全D，無咁大風險。

以上係我個人見解，如果有錯，歡迎指點!

看圖表甚實很有學問，例如﹕形態分析、陰陽燭、技術指標、移動平均線、相對強弱指數等，在VTC可以上堂學到。其次是看經濟環境、行業情況、公司盈利狀況，甚至管理層變動等也會影響股價。