想請問懷孕8個半月可否食龜靈膏同飲涼茶呢??例如雞骨草,桑寄生茶之類

按傳統呢 , 係生之前一個月, 孕婦係要行多 D , 同埋可以食清涼野架 , 會易生 D ~
龜靈膏可以食 , 可以清胎毒 , 對大人同BB 都好 , 不過我會推介你最好食恭和堂囉 , 話哂老字號 , 食得放心, 佢地自己都講明孕婦都食得架 ! (始終出面其他, 而家都唔知咩成份整既 ).
(呢 D 係之前林超榮老婆個專欄寫架 , 佢話個女出世成年都無瘡仔生過 !)
另外,可以食腐竹雞蛋糖水 , 清涼又滋潤 ... (我媽媽教我 ^^)
不過, 始終每個人身體都不盡相同 , 有問題可以問O下中醫師會隱陣 D ~
^^

絕對可以,而且仲要食多D涼野,幫助BB去胎毒同埋生既時候容易D生.

最好遲下先食, 如果有事怎麼辦, 我到九個多月才敢食涼嘢

唔好咁早食啦! 等9個月先食, 但都唔好咁涼, 好少聽人大肚婆會飲涼茶, 干燥飲番D潤野, 都8個幾月, 差少少就生得, 都係小心D好

係呀, 可以飲涼茶呀, 因為可以清胎毒, 但係唔好飲過多.

預祝你生個健康寶寶

有BB最好唔好飲咁涼既野(同埋你依加已經8個幾月),如果你覺得干燥,不如用蜜糖沖水飲,既滋潤,又唔涼,不防試試!!

天氣乾燥唔一定要食涼既野, 而應該吃滋潤的湯水/糖水.
如熱底應該可以一點涼性的食物, 不要太涼就可以了, 以免體虛容易暈倒,
孕婦應小心身體.

2007-10-30 12:15:47 補充：
我覺得飲夏枯草好點, 龜靈膏可能大涼, 我見人們長暗瘡才吃.