✔ 最佳答案
先問自己以下問題
1.你家人接受佢嗎?
2.你經濟上可以嗎?
3.你可以每日有時間溜狗嗎?
4.你肯幫佢執便便嗎?
5.你接受牆腳或門檻俾佢D尿尿醃爛嗎?
6.你願意承擔這一生的承諾,不會激情過後生厭?
如你的答案肯定,恭喜你同佢都找到一份褔,請珍惜這段緣。
你可做的如下
1.上愛護動物協會網check吓各項收費及手續,啱就帶佢去做,明碼實價。不過如check到有晶片,請聯絡主人,如是走失的,俾番人呀。都不是鍚唔鍚佢的問題,人都會走失,何況狗!
2.唔去愛護動物協會可去普通獸醫到做檢查,有平有貴。在旺角勝利道、大圍投注站積X街向近明渠那邊個醫生都唔錯
3.醫生會check到佢大概是何種類及年齡,及general健康狀況,有無skin problem及虱,肚有無蟲等,有就要醫,另外打埋防疫針,看看有無需要做埋絕育手術。
4.借D養狗書看,溜狗時同其他狗主傾吓,實戰經驗好有用
5.留意狗狗害怕什麼或對什麼反感,你唔知佢以前經歷,不幸經 歷做令佢做D保護自己的行為,傷害到人就唔好啦。
最後祝你們互相扶持、開心平安