倉鼠問題~

如果要將三隻鼠放埋同一籠,相信都幾大機會出現打交同咬人既機會,就算本身既品種係好善良都一樣

A.唔易咬人既鼠我覺得係熊仔鼠,但體型較大;細隻既鼠就小紫王,小露寶其實都好馴好細膽,都好少會咬人,但速度最快,所以新手養既話就易走鼠d,詳細介紹可參考以下我回答既知識:
http://hk.knowledge.yahoo.com/question/?qid=7007080606027

B.怕俾鼠鼠咬,了解一下鼠鼠點解咬人,就可以避免俾鼠鼠咬了

成日咬人既原因多數有以下幾個可能:
1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀

買鼠返唻頭兩日唔好打擾隻鼠,之後養耐左都同鼠鼠唔熟,都可以試下再同鼠鼠熟返:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

7.懷孕既鼠都會特別精神緊張,從而成日咬人

最後一提,被鼠鼠咬到,雖然冇咩危險,但傷口一定要處理既,所以記得消毒同貼膠布呀

C.鼠鼠打交係因為鼠鼠本身係獨居動物,所以地盆意識好強,野生既鼠都係交配時先會走埋一齊好短時間
鼠鼠打交唔關個籠大細既事,我細個時係一籠兩鼠,籠有兩層,都算幾大,屋,食物盆,瞭望台,轉輪之類最少都有兩樣,都一樣打死晒,同一胎OR唔同一胎,同性別OR唔同性別,看似感情要好,同樣死晒,我試過好多好多次了,鼠店or長輩明明話咁唔會打,但又真係100%傷or死,真係咁巧合?我細個真係害死不少鼠,到而家諗返感覺都唔好受,間中仲會發惡夢(剛剛發完相關惡夢),所以更加唔想你步我後塵,希望你可以考慮一籠一鼠啦

我就唔覺得小銀弧特別易咬人,只係要迫鼠鼠住埋一齊,違反佢地獨居既天性,先易打,易咬人,試想像,有人要將你同另一個有機會打傷打死你既人,日日夜夜住埋一齊,感覺都唔好受吧
好多時鼠鼠打交都在半夜,打唔傷or傷少少真係唔多覺,就算真係見到鼠鼠打,好多人都會話唔打到流血就係玩,但打到流血既話,係咪真係救得切佢呢?鼠鼠唔係100%打,但如果有50%打,咁值得用鼠鼠身體去博嗎?
我知呢d野好唔合耳,但只想為鼠鼠好,好多時呢度都見到人話隻鼠打傷晒,真係好唔開心

其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

1. 唔會易咬人同打交...
其實隻隻都好少咬人@@
都係看下個隻倉鼠本身既性格...
2. 因為我打算養3隻小銀(胡) 但係上網睇e隻種好易咬人同打交 真定假?
銀狐對人也很友善，大部份也不咬人。但在群居性方面，他們比較不容易接受同伴，同一胎的寶寶長大後也可能會打。如果要養多過一隻，最好自小一起養，那麼成功養在一起的機會會比較高！
3. 有咩溫馴d既種?
熊仔鼠係最順既種, 你就算吵醒佢, 佢都唔會咬人!只不過就大隻D...

其實只要選些看來「鈍」的就行了,例如抓起牠也睡着那種.(不要選小露寶等神經質的倉鼠,嚇一下就跑掉,而且跑得超快......)

你可以養 奶茶鼠 ,,[[姐係唔會易咬人同打交]],,,我d fd 話,,,你要多d 抱下D倉鼠 等佢地知你係邊個,,佢唔會點咬你了,,,[[[打交]] 係因為佢地唔夠 空間比佢地,,so會打交 ,,,