唔該..................

樓上網友有d野唔太同意,希望樓上網友及發問者唔好介意

1)玻璃屋之類會咬得爛既鼠用品我都唔建議俾鼠鼠用,鼠鼠既牙真係好犀利,有時咬爛少少,食左落肚就慘了,玻璃陶瓷呢類食左落肚,比食左膠同木危險得多

2)唔建議俾蒸餾水俾鼠鼠飲,消委會之前已有報告指出蒸餾水都有唔少菌,人都唔好長期飲用,其實只要煮熟左既水,放涼後俾鼠鼠飲就可以

3)鼠鼠每日食既野,的確係大約鼠鼠體重既5%,但我就覺得咁計唔係幾好,一來要計算既話,每日就要好了解鼠鼠既體重同食物既重量,二來鼠鼠好喜歡收埋野食,鼠鼠都係因為咁而叫"倉鼠",收埋食物會令鼠鼠更有安全感,而鼠鼠係知飽,只要你唔俾零食佢,每次俾多d鼠糧俾鼠鼠,差不多食晒先再添

平日養鼠要留意既事:
1)每日換水,並檢查水樽係咪真係出到水同會唔會漏水

2)食物要有足夠既份量,多d都唔緊要,鼠鼠係知飽既.最好放多d,多d食物先令鼠鼠有安全感,一般乾糧可以耐d先換

3)糧食方面都要留意好多人既食物都係唔適合鼠鼠既,甚至蔬果我都覺得唔好,原因如下:
a)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.
b)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.
c)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份,又或會對鼠鼠係太刺激食物等,食得唔健康好易病既.
d)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食

4)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼.

5)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)

6)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.

7)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.

8)鼠鼠好叻走佬,留意有冇咩位鼠鼠會走到.

9)鼠鼠怕凍,更怕熱,凍同熱都要為鼠鼠保暖or解暑

10)好緊要既係,平日多d留意鼠鼠既身體同排泄物,有咩異常就可能係有病.

11)鼠鼠既牙係不斷生長,所以要有野俾鼠鼠磨牙,唔磨牙既話,d牙會插穿鼠鼠,令鼠鼠死亡
如果你隻鼠唔咬磨牙石,就可以買一d木制玩具俾佢咬(磨埋爪都得),又或可以試下鹽磚.

12)除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.

鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

唔知有冇講漏,要留意既野都唔少,以上都係我覺得新手較易出錯既事

買鼠時要買既物品:(大約價錢)
1)鼠籠(數十~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水
3)沖涼粉($30~65)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)
6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
8)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
9)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠鼠
10)額外物品(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既

養倉鼠前需要考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
6)要考慮清楚係咪可以照顧鼠鼠一世,唔會因為鼠鼠大隻左而嫌棄.
7)得到家人同意去養
8)預算好養鼠既費用

未 真正養鼠之前，大家先來個熱身吧！如果你是未嘗養過鼠的，那你便要三思而後行，以免帶給自己煩腦及為小鼠帶來不幸。大家別要看倉鼠身型小小，但是要飼養他們可不是容易的事，需要考慮的仍不少！

倉鼠是夜行性動物，日間是睡覺，晚上才活動。而且倉鼠的生命很短暫，只有二、三年的光景。雖然他們需求不大，但不考慮清楚貿然飼養，最後只怕是會為安置他們而煩惱。

以下是站長為大家列出的考慮要點，預備養鼠的你，不妨問一問自己是不是合適飼養倉鼠！

‧‧嘈吵環境‧‧

他們是夜行性動物，他們在黑暗處和晚間非常活躍，日間他們需要寧靜的環境讓他們休息。當日間經常性嘈吵會嚴重影響小鼠的休息，引起壓力，最後會減短小鼠的壽命。

‧‧足夠空間‧‧

倉鼠需要的空間不多，不過若把他們放在睡房，可能會對你的睡眠造成滋擾。而且他們是要放在室內之處，因為室外太濕太熱的環境會影響小鼠的健康。

‧‧足夠金錢‧‧

幾塊錢買回來的倉鼠，他們一生的花費是遠超過倉鼠本身的價值。作為飼主，不要因一時的興起而買鼠回家。如果沒有打算花上這一大筆錢，可別養好了！ 以下就由我算一下，養一隻鼠的基本開支吧！

當你家鼠鼠有二年壽命，基本籠子(HK$100)、倉物碗(HK$10)、水樽(HK$20)、半年一塊磨牙石(HK$10)，每二個月用一條木糠(HK$5)、二個月用一小瓶沖涼粉(HK$20)和二個月吃一包飼料(HK$30) 來計算。

2007-10-30 16:39:00 補充：
‧‧家人同意‧‧因為飼養寵物一定會影響到家人，所以養鼠之前一定要和家人商量好。確定家人是不會對毛髮敏感，特別在夏天時，倉鼠會因為換毛而大量甩毛。 ‧‧假日照顧‧‧當主人不在家時或去旅行時會不會有家人朋友去照顧鼠們。

2007-10-30 16:39:37 補充：
小露寶(老公公)比較神經質，很怕人，硬捉他可能會令他受驚咬人。但大部份小露寶都不會胡亂咬人。而論群居性，他們是比較容易接受同伴。只要小時配在一起，而且有足夠空間，通常不打！ 小灰霸、小銀狐、小紫王、黃金倉鼠，統稱冬白倉鼠/加卡利亞。他們大多對人也很友善，大部份也不咬人。但在群居性方面，他們比較不容易接受同伴，同一胎的寶寶長大後也可能會打。如果要養多過一隻，最好自小一起養，那麼成功養在一起的機會會比較高！

2007-10-30 16:40:02 補充：
雲石、黑熊、乳牛、紅眼鼠等的鼠鼠(坎培爾)都是比較神經質，並不容易初養就與人熟稔。起初可能會比較會咬人，但養久了也會很親人。坎培爾相比於冬白倉鼠容易接受同伴。如果從小一起長大，大多也不打架。 熊仔鼠、長毛鼠(黃金鼠)比較懂人性和親人。他們大多個性也很溫順，就算在睡吵省他也不咬人。但他們本性是獨居的，所以大多也接受不了同伴。最好是單獨養！

1.倉鼠籠 約$100<-好多時候都會包括埋水樽同食物碗
買果時可以搵搵
2.食物碗 約$10-20
3.水樽 約$20
4. 磨牙石 約$20一大舊
5. 沖涼沙 約$30
5. 木糠 約$10-30
7. 倉鼠糧 $20-50不等

以上既價錢不定,睇吓你係邊度買仲有要咩野質素

我個朋友有間玻璃既屋 ..
系俾倉鼠系入面訓 ..
旦系玻璃系米吾好 ?!
冇咩野唔好呀
夏天仲會比較涼

如果買齊晒 ..
應該幾時幫佢沖1次涼 ?!
and .. 每日幾時放食糧 .. ?! 放幾多 ?!
可以3日沖一次
如果你是用熟水給鼠鼠，要每天更換！如果是用蒸餾水，可以二至三天才換一次水

鼠鼠每天需要的飼料份量是他們體重的5-10%，根據這個守則以下是每種倉鼠所需的飼料份量：

倉鼠品種 份量
俄羅斯倉鼠 5g
坎培爾 5g
小露寶/老公公 3g
敘利亞倉鼠 15g


邊1種倉鼠比較好 ?! 比較易養 ?!
我認為係小灰霸、小銀狐、小紫王、黃金倉鼠，統稱冬白倉鼠/加卡利亞。

‧‧選擇品種‧‧

以我所接觸的鼠鼠中，發現不同品種有不同的性格。 選擇品種的時間，最好是選一種性格能切合你心意的品種！

小露寶(老公公)比較神經質，很怕人，硬捉他可能會令他受驚咬人。但大部份小露寶都不會胡亂咬人。而論群居性，他們是比較容易接受同伴。只要小時配在一起，而且有足夠空間，通常不打！
小灰霸、小銀狐、小紫王、黃金倉鼠，統稱冬白倉鼠/加卡利亞。他們大多對人也很友善，大部份也不咬人。但在群居性方面，他們比較不容易接受同伴，同一胎的寶寶長大後也可能會打。如果要養多過一隻，最好自小一起養，那麼成功養在一起的機會會比較高！
雲石、黑熊、乳牛、紅眼鼠等的鼠鼠(坎培爾)都是比較神經質，並不容易初養就與人熟稔。起初可能會比較會咬人，但養久了也會很親人。坎培爾相比於冬白倉鼠容易接受同伴。如果從小一起長大，大多也不打架。
熊仔鼠、長毛鼠(黃金鼠)比較懂人性和親人。他們大多個性也很溫順，就算在睡吵省他也不咬人。但他們本性是獨居的，所以大多也接受不了同伴。最好是單獨養！
其實沒辦法說實哪一個品種一定不咬人不打架。

至於鼠鼠會不會咬人，要看你捉他時的情況，鼠鼠本身的性格和鼠鼠之前的遭遇。如果之前給嚇怕過，可能會變成神經質會咬人。如果他和同伴打架時捉鼠，很可能會咬人！

而接受同伴方面，一般由小一起養會比較容易接受同伴，所以無論你是想養二男、二女或一對都是最好在買之前決定。而就經驗來說，如果想養二隻同性的，二隻公鼠會比較容易在一起。想養多於二隻的話，你要特別注意是不是有足夠的空間、玩具、食物。 如果活動空間不足，很容易因為爭地盤而打架。

大家有了養鼠的心理準備後，由站長介紹一下怎樣選擇心愛的鼠鼠吧！

‧‧第一式：基本知識‧‧

一般人以為倉鼠越細小表示年紀小，所以很多人也會選擇身型細小的倉鼠。可是身型細小的倉鼠未必是健康，很多身型細小的倉鼠都是營養不良或基本未成熟去獨立生活。 一般身型比較圓渾的倉鼠才是最健康，因為有病的倉鼠才會不吃糧以致不長胖。當你飼養小鼠時，他們身體越來越瘦小很多時也是身體有病，那作為主人便要多多留意。

‧‧第二式：看表面，很出色‧‧

眼睛：要亮晶晶的，清潔的，混濁的眼睛是不健康的特徵。不可以有眼水流出，也不可有白點在眼球中間或有疤痕。

披毛： 一定要有光澤，要完整無缺的，不可以有一忽忽的毛或是有結疤。倉鼠一到老年便會甩毛，披毛稀疏的，可能已是到達老年期的。至於有結疤或是崩耳的，大多是打架而造成的。 身體 沒有腫起的地方，圓渾的身型是最好的。

鼻子：不可以有鼻水，打乞嚏。鼻子要清潔的乾爽的，不可以有異物附在鼻子上。因為如果他們是傷風，鼻子流出的鼻水很可能會沾上木糠或其他東西，所以有異物附在鼻上也不是一隻健康的倉鼠的特徵。

肛門 ：一定要清潔的，不可以有大便黏在肛門上，因為這是倉鼠肚瀉的特徵。肚瀉如是果是由於細菌感染或生蟲的，很容易引致死亡。

‧‧第三式：看行為，你都識‧‧

一定要選擇活躍的倉鼠，就算他們睡著了，當他們受到陌生人的騷擾時一定會出現警惕的樣子。 行得走得當然FIT都暈！ 要選倉鼠吃得到固體食物的，因為不吃主糧的小鼠可能是未戒奶，這樣的小鼠很難養大唷！