有病人暈左"你會點做??如果你係1個診所姑娘

這條問題的答法，真係要因人而異...
A) 若你指嘅 診所姑娘係私家診所做的姑娘... 又唔係受過訓練嘅護士的話，即係同個普通人一樣啦！做法就簡單得多﹕走理去出少少力拍下佢，叫下佢睇下醒唔醒。叫得醒又好，叫唔醒都好，都唔好搞咁耐 - 不多於十秒。然後走去 / 找人打電話叫救護車...... 叫唔醒當然要 call 車；叫得醒也要 call 車 - 因為好人好組唔會暈左比你睇。等救護車來交個病人比救護員，可簡述你知道及見到的事發經過，同你做過 d乜嘢；交完方可走人。

B) 若然你係指公立診所姑娘 (登記/註冊護士)，你可以做嘅嘢就多好多。(以下所說純粹回答問題，真係想做的話，請最少都讀過個急救班先.....)

1) 先 check responsiveness - 方法同上
a. 如果冇反應就叫人 call 救護車及找診所內其他人幫手，然後叫佢返來幫你手
b. 如果你自己一個，又你係睇住佢暈低，你要自己 call 車；若然你見唔到 / 唔知佢暈咗幾耐，就要開始以下步驟。
2) 冇反應，就 check airway clear? 唔 clear 就嘗試用手 clear 吓佢。就算 airway clear 唔 clear 都好，都要 open airway....
2) Breathing: 有同冇... 冇呼吸的話...咀佢 (人工呼吸 x 2，時間在 3 秒以內)；雖則唔咀個病人唔會即時死比你睇，試問今時今日仲有邊肯同個三唔識七嘅人咀對咀？
...有專用 mask 就最理想
3) Circulation: 即係有冇 pulse - check 頸動脈。冇脈搏，就一定要開始心外壓。CPR - 15為一個循環，速度為 100/min，每完一個循環應該要吹2 口氣
4) 有 cardiac monitor / AED 就要叫人找佢出來；睇佢有冇心律，再按指示做 - 要電就電...
5) a. 相信玩得3 分鐘，救護車都到塲 - 照舊交代你知道及見到的事情，及你做過 d乜嘢及幾時開始做。
5) b. 如果超過3分鐘，救護車都未到，最遲做 5 分鐘就要找人換位做 CPR - 如果唔係好有機會暈多一件 - 就係你！

2007-11-01 01:05:17 補充：
除了關顧病人前，先要睇下現場環境是否安全，才走埋去 (不過診所內外，通常都冇乜危險 - 除咗係車路)。另外還需要找人控制一下 D 閒人.... 因為這個世上實在太多閒人，有起事上來唔幫手，只係睇嘢，又指指點 - 提供都係超級廢嘅所謂意見。想補充一下 A ﹕其實找個診所醫生都係辦法..... 但係最好叫人同你找，因為你留係度睇住個病人又想補充一下 B ﹕如情況許可的話，最好將病人移住就近房間急救，減少對急救流程的阻礙，以及保護病人，更加讓一眾閒人冇嘢睇。