驗孕棒驗出有左, 但有少許流啡....

我有咗頭兩三個月的時候，都係見啡同見紅，所以立刻去睇醫生，醫生都講過頭幾個月係要小心啲（個胎仲未穩定），一有見啡或見紅就要同醫生講（見紅或見啡已係作小產預兆），確保ＢＢ嘅健康！記住要休息多啲，唔好咁大動作同操勞過度（當有咗），小心為上．

應該唔會系檢查棒棒，因妳未檢查已見啡，所以系妳個胎未完全黏實子宮頸關係，依家最緊要唔好攞重嘢同咁辛苦呀？

以下有小小資料希望幫到妳．

我有咗的時候，好多菜都唔敢食，只食菜心，油蜜菜(中醫講)，西生菜小許．可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

多食花膠都無妨，因有滋陰同有黏性作用的，都有一定可輔助子宮的功效！

還有婦產科醫生比咗張紙我，說有咗之後忌食什麼東西．
忌服：木瓜，苦瓜，黃瓜（即青瓜），節瓜等．
忌飲的東西：含咖啡因飲料，如中國茶，奶茶，檸檬茶，唂咕及可樂等．
每週吃海鮮不可多過四餐，如魚，干瑤柱，帶子，象拔蚌及蠔市等．
以上的食物都對胎兒有一定的影響，盡量忍口吧！不可不信！
木瓜真的很厲害，我試過小產之後無做任何手術，只吃木瓜都可以落掉個胎．

祝妳身體健康！有一個好消息！

有可能係作小產,不過還是問醫生清楚d,因為早期懷孕好多時都會容易流產的.都會好似你咁見紅或者流啡,但我唔係咒你, 我都試過流啡在懷孕時.

作小產是流產的先兆,但不是流產.一定要盡量臥下來,多休息.你最好急call 醫生問一問, 通常佢地有call 機no.打俾佢係張卡片.如果無你咪入急症室看看,如果佢地話你作小產,又無開藥俾你,你最好去看中醫作安胎補身.會好些,我係咁樣,而在bb好可愛.

還有幫你檢查個醫生一定話唔會弄傷你的.

祝你無事,生個健康BB.

其實你唔使太擔心, 我有朋友之前都有出現你呢個情況. 個陣佢未知自己有bb, 佢見到"流啡" (紅紅地啡啡地),以為係岩岩period黎...但係過左2,3日,佢都唔見有period,就去驗孕,點知先知自己有左.

中國老人家話呢d叫做報喜, 小生命黎個陣既一個預報, (當然唔係次次有啦). 至於見紅,你就真係好問清楚醫生, 係佢弄傷你,定係還是有其他原因...

希望可以幫到你啦...