考2級鋼琴？

其實考琴係有分幾part, 一part係practical 即係要你彈琴啦, 你係買一本皇家音樂學院 (ABRSM)出既考試書(有分1-8級), 在香港各大琴行都會有得買, 冇得買既就聽close架喇. 入面又有分A, B, C. A, B, C分別都有3首歌你選, 你每個part選一首合適你彈既. 即係你一共要彈3首歌, 一首係A入面既歌, 1首係B, 另一首係C. 呢個就係彈方面喇.

另外仲有一個係考你scales既, 又係在各大琴行都有得買一本皇家音樂學院出既scale書, 入面有d sclae要練, 又係有分幾part咁. 呢個可以睇入面本書就知, 佢有教你. 所以唔多講.

另一part係sight-reading, 個考官會即場俾你一份岩你程度既短譜你彈, 呢part就係咁.
你想練好你既讀譜能力, 都可以買ABRSM出既sight-reading書泥練. 都幾有用下.

最後一part係aural, 係要睇下你既口試能力, 音感好唔好.
有分四個part, A, 係要你打拍子, 考官會彈一段音樂出泥, 會先彈2-3次俾你聽, 之後你就要JOIN埋一齊打拍子. 打完拍子佢會問你呢首歌係幾多拍.

B, 唱, 考官又係會彈一段melody俾你, 你就要做佢既回音, 即係佢彈完一次, 你就唱番果個melody出泥. 通常2級唔會太難.

C. 呢PART考官又彈一段歌俾你, 佢會彈兩段唔同既melody or 拍子出泥. 會問你呢兩個有咩唔同既地方. 一開始佢係會俾個key chord你先, 講你知呢個係咩key.

D. 呢個就要你分聱音既強弱, 大細聱呀咁, 同埋快同慢之分. 你要講出邊度係快左, 慢左, or 大聲左咁. 邊度有特別既連音or 跳音. 呢d都係要讀架. 因為通常都會講術語.

佢會比份樂譜你彈　（看１－２分鐘）之後就開始彈　　係冇得溫　　要睇急才`

你要睇份普有咩大細聲先　係咩調號　最高音和最低音係咩音　　咩拍子

其他你要自己多ｄ練習呀！！！！！！