我的貓仔三個月大, 但是不喜歡被抱, 搞不了洗眼洗耳剪甲等動作, 怎麼辦?

首先不要強抱貓b, 要把牠放在身邊一起坐, 第一次當然要用玩具, 不過一定不可以是貓草老鼠, 因牠會玩得太利害, 最好是繩, 把繩由遠處拉近自己身邊, 等牠玩上10分鐘左右, 牠會坐在你身邊休息, 其他時間請勿給牠繩, 這樣過1~2天後, 牠會以為到你身邊便有得玩繩, 所以自然會到你身邊, 請勿急抱牠, 要過多1~2個星期, 牠視你為老友, 才抱起牠.

開頭洗眼、洗耳最好分開做, 請先給牠磨擦後耳背, 下巴, 等牠發出呼呼聲, 才開始洗眼洗耳, 做完之後都要磨擦後耳背, 下巴, 令牠應為這是愛的行為. 如牠愛吃營養膏, 便給牠一點點, 以作獎品, 但平常便不可給牠吃,

剪指甲前先要和牠坐在一起, 慢慢把牠抱在大腿上, 牠的背貼著你, 你為牠輕按肚皮、心口, 等牠放鬆, 並發出呼呼聲, 你便可以開始剪指甲, 你的小貓可先用人的指甲拑, 你先給自己剪少許指甲給牠看, 之後才向牠下手剪, 頭一兩次請前後腳分開剪, 前腳比較易, 如牠愛吃營養膏, 便給牠一點點, 以作獎品, 但平常便不可給牠吃,

如事者一個月後, 小貓應可以享受你給的愛心清洗服務.祝你成功, 小貓身體健康.

我肯定唔係所有貓貓都鐘意比人抱、比人幫佢梳毛......
我隻貓貓已經兩歲半，佢同你隻貓仔一樣都唔鐘意比人攪！雖然佢係女仔，但係超大力！我通常幫貓貓清潔、梳毛、剪毛（因為貓貓係長毛貓，為免大解時整污糟Pat Pat，要定期將佢 Pat Pat 附近 0既毛修剪！），都要搵埋老公幫手！洗眼洗耳通常我抱住貓貓，由老公出手。梳毛比較長時間，因為貓貓太大力，我地要輪流抱。剪指甲加埋貓貓反抗掙扎同樣需時唔短，試過由老公抱住，我剪；又試過我一個人攪掂－－首先剪手，避免比貓貓抓傷，跟住先剪腳。我以前試過用毛巾包住佢（好似上面位朋友咁講），而家因為佢越大個就越大力，貓貓0既腳超勁有力，所以剪手0個時用布袋袋住貓貓下半身，剪腳就用毛巾包住上半身！兩種方法，我覺得一個人幫貓貓剪指甲會快0的，貓貓都無掙扎得咁犀利，可能貓貓會覺得兩個人對付佢一個，佢就出盡力反抗！
不過好重要，無論做咩，都要一路同佢傾偈、安慰下佢～～～

你個case 同我差唔多,不過我果隻係兔仔,同你隻貓咪差唔多,如果你同佢洗眼仔或者洗耳仔既話,你唔好抱起佢,禁住佢喺地下,唔好咁大力,你最好喺隻貓既側邊又或者喺後面,咁就得ka 啦!如果你幫佢剪指甲既話,你就先搵一條毛巾要大個你隻貓咪,唔好太大條,將條毛巾鋪喺佢身上,跟住就連埋條毛巾包實佢,然後再反轉佢,你坐喺將(鄧)仔度用你個大髀夾住佢,咁佢就走唔到啦!如果你唔明我講乜!你就試吓去d賣兔仔既地方,人哋點做啦!講麻煩兔仔麻煩過你隻貓仔呀!希望呢個方法幫到你!不過你幫佢清潔時候,你都要同佢講佐先,同佢傾吓偈,等佢有個心理準備,因為我都係成日同隻兔仔都係咁傾偈佢會望住你ka!!!