✔ 最佳答案
1)離婚對八歲的小朋友心理有冇影響?
女童：會好少少，但會影響到佢第日冇安全感，個性會偏激d，同第日唔會咁易信任婚姻。(所以e+好多女人俾人話老姑婆，其實可能係佢地潛意識的選擇)
男童：無論跟邊個，心理上影響都好大，男性形象唔係咁易建立到，性格可能軟弱d或偏激d，如在親朋戚友間找個類似契爸契媽之類撫平傷口，再信返一個宗教，情況會好d。
2)個人感受：
你的婚姻都唔係咁樂觀，因為大家心中有條刺，在你的角度來看，我十分同情你，俾我條氣都唔順，有種想報復的心理，如第日遇到第三者，更好易發展婚外情，咁你就成為千古罪人，又有邊個知當初的裂痕由邊個造成，邊個會同情丫。
調返轉頭，你太太又可能唔係咁諗，當初你最差果時，佢要擔起頭家，壓力好大，女人一受壓，好易控制唔到情緒，忙起上黎，壓力又大，無諗過男人需要，亦有可能。(心情差仲邊有情趣丫)
在佢來看，係你最需要佢的時候，佢冇離開你，其實都係一份情義，俾著實際d的女人，一早走佬，好多都係咁。佢表達情義的方法，唔係甜言蜜語，而係一力承擔，可知佢跟你唔係為錢。至於佢自己收埋曬d人工做私己，亦都可能係為頭家，因為試過冇錢好愁，養個小朋友要成四百萬(李麗珊話)，唔草返個錢點得丫。佢草埋d錢可能冇預你，但一定有預你個女，母性表現，好正常。
3)建議：
離婚容易，搵過個更易，但係維持關係就要長時間互相適應，初期個個都甜蜜，耐左就要靠大家互相遷就、寬恕、接納、理解。
不如你去搵婚姻輔導，你有呢個諗法，而又肯承認，即係肯面對現實，為個女盡下力挽救下，反正最壞的打算你都已經有，輔導之後唔成功都對得住自己同個女。
4)感想：
我父母在我十五歲時離婚，其實之前都吵吵鬧鬧，打交多過食飯，多數都係為錢。想到戀愛結婚，我只覺得係假像，是一些令人恐懼的東西。有人追，我會識得兇走佢地，我有些少小聰明，會在"危險"來臨之前，架起防護網，保護自己免受傷害(免談戀愛)。
我好細個就知到要靠自己，別人信唔過，所以都會在社會奮鬥，跌落地下唔會有人扶你，一定要靠自己彈返起身。所以我都好自豪自己有好強的求生本能，我以前成日諗：我估我去到邊個冇咁易死得。
我要花好多年時間治癒自己，才可以治療父母帶給我的傷痛，改善自己偏激的性格。因為始終有好多觀念，係來自細個時對大人行為的錯誤解讀，自己要不斷反省點解會咁諗，會唔會諗錯等等，要從自己由細鑽入的牛角尖走出來，當中有血有淚，但我慶幸自己可以走出來，而家自己都結左婚，老公好老實，對我好好，我地有一個仔仔，啱啱又有左第二名，有好多人就唔係咁好彩。
2007-11-09 13:35:28 補充：
o既然你有計劃，祝一切順利及女兒長大成才!
做返d退休基金之類，唔好成份糧俾晒老婆啦，男人或女人都係，冇私己，第日老左冇人可憐。
聽到人分開，始終唔係咁開心。
