✔ 最佳答案
學習係要持之以恆o既,聽都聽得多「10日每日溫一個鍾多過1日溫10個鍾」.
如果逼一個冇溫開書o既人一日溫8個鍾,都唔會有好結果.
以我自己為例,我F.1的成績都係好差,到F.2拎個進步獎,F.3就更上一層樓,成績愈上愈高.
所以冇可能一年半載就考第一.
當然,F.3發力都未係太遲,你應該要盡快決定選咩科,F.3就全力谷o個幾科,一定唔選讀o既科就留一留力啦,雖然lee個做法係唔好,但為咗長線發展放棄1d唔重要o既係必須的.
講返正題啦,讀書一定要有個明確目標,只求合格係唔得.
特別定立咗目標之後,一個星期內一定要100%完成,否則好快失敗.
我都同樣推薦去自修室溫習,但不建議到學校圖書館,始終太多熟人行出行入.
而每天上課過後一定要即時清哂所以內容,有定義背就背,有數做就做.
會考10A o個D人地背緊野o既同時,佢地已經操past paper.F.3冇past paper,都有課後ex.做
此外,有D科你真係讀唔黎o既,就出去補習,唔一定要名牌.真係想學野o既可以搵1對1o個D,為考試o既名牌都OK.學校老師同補習老師最主要o既分別o既係,一個教知識,一個教答題技巧,睇吓你想點啦.
F.3中英數個底一定要好,所以今年一定要搞掂哂呀.
至於對著部電腦會唔專心,我都明白,咁就叫你D屋企人教你睇實,唔比你開電腦.如果平時冇人o係屋企,咁仲好!仲安靜呀!
我睇你都有心向學o既,力o既野就靠自己下幾多苦功落去啦.
2007-12-18 20:23:51 補充:
Good