甘依個講法就已經同”佢係全能”依個講法產生矛盾
因為假設佢全能，就唔應該會有”要比人類自由意志所以唔能夠將人做得同佢一樣甘完美”依個限制
如果佢係受到依個限制所約束，甘全能ｏ既講法就唔已經唔能夠成立
既然佢自相矛盾，甘點解你地仲會相信聖經入面所講ｏ既上帝，就係造物主？
不過當然，你仍然可以話佢ｏ既智慧，人係唔夠能理解
但係如果既然人係唔能夠理解，但有ｄ人仍然相信，甘樣佢地咪即係盲目甘相信？
當然你亦可以話”不要問，只管信”
甘如果我自己又建立一個宗教，叫你地相信，然後我又同你地講”不要問，只管信”，會唔會有ｄ怪？
（我希望有人正面甘答我ｏ個幾個問題，唔好轉左去講其他野，尤其一定要正面答佢係咪自相矛盾ｏ個個問題）
依你甘講法 係咪即係你認為佢（假設佢真係存在）唔係我所講ｏ個種”全能”？而只係”至高者”？ ＝．＝
甘我想搵ｄ認為佢真係我所講ｏ個種”全能”ｏ既人，黎解答”限制”ｏ個個問題 －．－
我諗上帝係可以做到人同佢一樣咁完美，但如是人就很難從相對上理解自已是完美，因人皆完美，就善惡之分也不存在。 ＜＜＜ 但係上帝佢話自己係完美，而佢又分到善惡．如果佢唔能夠將人做到佢好似佢甘完美而同時又能夠分辦善惡，甘依個咪又係佢能力上ｏ既一個限制．因為佢仲話自己係愛世人架ｍａ，所以我假設佢一定想我地好似佢甘完美
信心既者 其實好多教都係要人向善 多人信都冇壞既 不過唔好太過執著啦 ＜＜＜ 甘又係，不過我都相信依個世界係有創造者，但卻不一定係聖經入面所講ｏ個個
但偏偏人就會接受魔鬼的誘惑 ＜＜＜ 咪就係我地唔完美先會抵擋住唔住魔鬼ｏ既誘惑囉 因為這樣神就不能測試和考驗我們, 而死後也分不清誰該上誰該落 ＜＜＜ 如果我地一開始同佢一樣甘完美，根本就唔會抵擋住唔住魔鬼ｏ既誘惑，甘仲有ｄ咩野需要考驗我地？ 如果你要做全能的人, 你便會失去自由, ＜＜＜ 點解我做全能ｏ既人就會失去自由呀？而家上帝佢全能，鍾意點都得，唔通佢又失去自由？ 如果佢將人設計成同佢一樣甘全能，人就無可避免會失去自由ｏ既話，甘係咪即係佢無能力將人設計成完美同時又唔會失去自由呀？？？甘佢咪唔係全能囉？
其實我都有諗過類似呢d問題,人點解要出黎呢個世界受苦呢??而唔係好似神咁勁呢??但係如果你想想,假設地球上每一個人都係全能,人與人之間嘅鬥爭所做成嘅傷害越,因為能力越大,負擔越重,以人嘅思維冇能力承擔呢種責任。所以如果能力全能對人反而有害。 ＜＜＜其實我意思係上帝如果愛世人，佢又知自己係最完美，佢一定想佢愛ｏ既人同佢一樣甘完美，即係有晒全知全能全愛，所以唔會有鬥爭
但如果再比埋全能嘅思維比我地咪得囉。假設全能思維係無限種思考模式,那全世界嘅人都一樣係無限種思考模式,那不就是複製人嘛??要知道神嘅意願係希望我地可以自由發展,由自己雙手找尋世界上的美好。如果神只是將自己複製那就失卻這個意義吧?? ＜＜＜甘樣講法，係咪即係佢無能力將人設計成同佢一樣甘完美，同時又能夠感受到世界上ｏ既美好呀？？？依個又係佢能力上ｏ既限制黎ｗｏｏ
而另外當你有得有失嘅時候,先會了解"得"嘅快樂,"失"嘅悲痛。試想想當你擁有全部,你還會為買到心頭好而快樂嘛?? ＜＜＜ 我明你ｏ既意思呀，即係要有”失”，相對上先會感到”得”ｏ既快樂丫麻，但係上帝佢全知架ｗｏｏ，佢全知即係話佢一定會了解”得”ｏ既快樂，同時又會了解”失”ｏ既悲痛，如果佢將我地設計得完美，我地亦一樣全知，甘我地一樣可以了解得到，亦唔洗感受到失ｏ既悲痛 如果佢ｏ既設計，係一定要令人類感到”失”悲痛，先可以感受到”得”ｏ既快樂，依個再一次又係佢能力上ｏ既限制，因為佢愛世人，無理由會想我地感到悲痛呀
完美並不完美,缺陷才是美呀 當你再沒有空間去進步,你發現那才是你最大的苦處,就好像被一間周圍牆壁跟你完全沒有距離的房間困住一樣。 ＜＜＜依你甘講法，係咪話上帝佢自己好痛苦呀？
所以我嘅結論係"神希望我地能夠感受快樂,所以沒有將"全能"給我們"或許這就是"全能"嘅神欠缺的東西,所以籍由創造人之中期望可以感受到吧?? ＜＜＜如果係甘ｏ既話，情況更壞，佢唔止無全能，佢仲無埋全愛，因為佢係愛自己，為左想得到自己欠缺ｏ既野先造人出黎，但係人類活響依個世界好多時又會好痛苦（例如災難，飢荒．．．等等），佢都無出手救我地，只係顧住得到自己欠缺ｏ既野
自相矛盾?? 要知道,能夠完成一件事只係其中一面。不能完成也是一件事的其中一面,能夠每一面都可以產生才為之全能。"能夠不能"才是最高境界。 ＜＜＜我都明”不能完成一件事亦都係其中一面”，但係佢話愛世人，甘佢ｏ既選擇ｏ既出發點一定係愛世人架ｗｏｏ，既然愛世人，而佢又想人同佢一樣甘完美，洗咩搞甘多野話要受過試探ｏ既好人先上天堂．．．佢如果一開始將我地造得好似佢甘完美，個個都係好人，個個都響天堂，洗乜搞甘多野？
（三位一體故事） ．．．． 你…清楚未！… ＜＜＜個故事又幾有創意架ｗｏ
人經歷試練才達到完美才是最好。正如有人一出生已有很多錢，雖然可以後來從他人得知揾錢辛苦，但沒有揾錢經歷始終感受不到有幾辛苦。上帝也應是如此。 ＜＜＜上帝甘愛世人，我假設佢一定唔想人類承受痛苦ｏ既經歷 但係依個世界的確係好多災難同痛苦 佢明知係甘，都將我地放響依度 你可以話，佢甘做係因為要等我地經歷過依ｄ苦難，受過試探，先可以完美，係愛我地為我地好先甘做
但係．．． １．佢最終目的係想我地同佢一樣甘完美 ２．而佢係愛世人，唔想世人受到痛苦 照計佢係全能ｏ既話，佢設計人類時，一定唔會受到”必須要經歷過，受過試探，先可以完美”依個限制 如果佢係受到依個限制，就即係話佢唔係全能，同佢所講話自己係全能ｏ既講法有矛盾
如果你話係因為佢唔想甘慷慨 想人類受過試探先比佢地完美ｏ既話 甘依個講法，又會同佢”愛世人”ｏ既講法有矛盾 ＝．＝
神創造萬物，皆有成長同經歷才會美好。生物如是，死物 (如鑽石等不經打磨也不能發揮它的光輝) 如是 ＜＜＜ 依ｄ經歷同考驗當中幾乎必定包括痛苦喇（生老病死，去到病ｏ個陣一定痛苦啦） 假設佢真係愛世人，一定唔想我地受到痛苦，佢亦同時想我地好似佢甘完美 如果話〔一定要有依ｄ經歷等人去成長，先會完美〕，就即係佢無能力可以將人類設計成〔唔需要依ｄ痛苦經歷而變得好似佢甘完美〕．亦即係話佢唔係全能，甘佢點解要講大話，話自己係全能呢？ _________________________________
而人作為萬物之靈，心理上也最複雜，亦必要久歷磨練才達到。正如每人在每一階段均對幸福有不同的理解，自已找到會是最理想也最合個人的定義。 ＜＜＜佢如果愛世人同時又係全能，根本可以一開始將人類設計成同佢一樣甘完美，而唔會受到”必要久歷磨練才達到”依個限制，除非佢唔係全能．又或者佢係全能，但唔係愛世人，所以無必要將人類造得好似佢一樣甘完美 __________________________________
也可以用砌模型來比喻: 人可以造一件完成品，那為什麼要有模型? 過程是其一，完成後每人對每件的審美眼光也不同，亦令每一件完成品更添了個人的經歷和努力 ＜＜＜但係從依個比喻，點解釋得到〔上帝話自己係全能同時又愛世人〕依個講法無矛盾？ __________________________________________
神能創造完美的人，但選擇要人經歷才可達至完美，當然神也愛世人。 ＜＜＜但經歷當中必然包括痛苦，雖然你可以話經歷當中除左痛苦，亦有美好ｏ既事，但係既然最終目的係完美，而上帝又係愛世人，又係全能，大可以一開始將人設計成同佢一樣甘完美，而唔需要一段包括痛苦ｏ既經歷． ＿＿＿＿＿＿＿＿＿＿＿＿＿＿＿＿＿＿＿＿＿＿
