英國過關一問

如果你係單身去英國, 咁你驚都好工常既. 因為成日聽到英國入境當局會唔比單身既年輕女仔入境, 因為擔心佢地會留底非法居留同賣淫... (英國佬真賤)...
綜合唔同人既意見 (聽返黎啦, 有朋友試過啦, 睇書啦...) 如果你單身去英國, 請留意以下幾點

衣著請留心一點, 整齊大方一點, 唔好太暴露, 過關前請灼 toilet 執執先
鎮定, 過移民局時唔好兩頭望, 對住條友講野, 慢唔緊要, 最緊要清楚
如問你有冇親朋好友係英國, 請如實回答... 否則如果佢地搵到你有地址電話, 你就大大鑊
千萬唔好講大話, 佢地識分 !! 而且唔好以為佢地唔識中文... 英國佬精過鬼, 有好多真係識聽的
如果你可以提供, 回程機票, 公司放假信, 香港學校既開學通知等等, 都會非常有用的
移民局人員最憎人講大話. 你比個酒店地址佢, 只要打電話一查, 就知你有冇預訂房間. 到時比佢地知道你冇訂房, 加埋講大話, 你就 9 成原機返港, 以後唔駛去英國... 去英國探親唔係罪過, 你只要準備好所有文件, 有晒來回機票, 放假信, 經濟證明, 講野肯定 d, 唔好閃縮, 就 9 成無事 !!!

係呀，你朋友講得對！同埋要有回程機票。我都比佢問左３０分鐘！問來問去都係你來做乜，有回租機票都會問你幾號走，唔係直接問你，返翻轉問。係事實唔怕慨。

其實真係佢問咩你就答咩,你係順便探朋友就照答,因為係一件好正常的事,千其唔好答到古古怪怪令佢覺得你有可疑,以前d人話唔好話有人會招呼你住,係驚你有地方落腳會賴死唔走,但現在d人又話入境表你填左你會stay的地址,佢仲放心比你過,因為如你過期居留佢可找到你.
佢通常會問你到英國的目的,留幾耐,在香港的工作,帶左幾多洗費嚟英國,如你在入境表填了一個住宅地址佢會問你喺果個地址度住的人同你咩關係,佢喺英國做d咩,
你千祈唔好亂填一個酒店名然後比佢問幾問發現你連酒店地址都無,點去都唔知,仲要未book房.
如有公司放假信最好帶埋去.總之答問題時記住自己係光明正大噤去旅行唔係偷渡.