唔該幫我解答倉鼠問題

A.鼠鼠便便青色,冇其他過林過硬既質地異常,咁就唔代表鼠鼠肚瀉

想知便便質地有冇問題,你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬or好林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做

有青色既便便有以下可能:(冇過林過硬等異常情況,有既話則係第d問題)

1)食左有綠色既食物
唔知你轉既糧係咪一包多樣既呢?如果係既話,就算兩隻鼠係住埋一齊,佢地食既野都唔會完全一樣,而且隻隻鼠既體質唔同,未必同樣咁排泄返出唻
留意一下新糧有冇咁既問題

2)受驚
受驚都會有青便既情況,因為膽汁係青色既,如果你兩隻鼠住埋一齊,可能已有打交or其中一隻蝦第隻既情況
鼠鼠係獨居動物,野生既鼠都係交配先會走埋一齊,只係年幼大多數都未咁快會打交,但大左往往都會有霸地盆心態,而發生打交行為,就算未開始打,都好易受驚既
鼠鼠受驚除左會惡(因為驚,惡係用唻自保),仲有可能會出現肚瀉,濕尾症,甩毛,甚至嚇死等問題,所以唔好忽視呢

建議處理方法:
1)密切留意鼠鼠既排泄物有冇異常多or少,仲睇下有冇太林or硬
2)如兩隻鼠係一齊住,同時要keep住檢查佢地既身體同排泄物有冇其他異常
3)如果鼠鼠既鼠糧冇咩問題,最好就唔好成日轉換鼠糧,唔係好易令鼠鼠腸胃不適既
4)保持個籠乾爽清潔,避免細菌感染
5)鼠鼠似有唔舒服,就要分籠,以免傳染or病既鼠被第隻乘機打死打傷

B.你可以試下就算見佢最初揀晒瓜子出唻,,等佢再食其他種類先,到差唔多冇啦,先再加糧落去.冇得俾佢揀佢都要食其他食物,慢慢等佢習慣唔好偏食.唔好諗住錫隻鼠就俾晒佢鍾意既野佢食,咁對鼠鼠反而會唔好

只係食瓜子or食太多瓜子會太冇營養,因為好易做成肥胖,過肥既話其實好唔健康,好多病都會因為咁而有既,所以唔好亂咁俾野鼠鼠食,我覺得只係俾混合主糧已經好足夠,主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病

C.佢唔飲水要留意以下事情:

1)檢查水樽出水有冇問題
如有問題就要買過個新既

2)會唔會只係日頭唔見佢飲呢?
鼠鼠係日頭活動夜晚活動,所以日頭訓既多,飲食玩都係集中在夜晚,所以有時會見唔到鼠鼠飲水,將水樽裝滿水,留意一下鼠鼠係咪真係成日都唔飲啦

3)鼠鼠有冇病徵?
仔細檢查鼠鼠身體及排泄物有冇異常,睇下鼠鼠會唔會有唔舒服所以唔飲水

4)鼠鼠有冇受驚呢?
睇下鼠鼠近來會唔會受驚,例如會唔會係新買返唻?會唔會外來人or物令佢驚?
鼠鼠受驚都會唔飲唔食,所以要避免令鼠鼠受驚既情況,特別係新買返唻既鼠,頭2日最好唔好打擾佢,如果買得耐左都係好驚人既話,最好都俾佢靜下先,再慢慢同佢熟

同鼠鼠熟可以試下以下方法:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

5)同一籠又會唔會有鼠鼠一齊住?
鼠鼠係獨居動物,所以如果有第隻鼠一齊住既話,都會令鼠鼠感到緊張同驚,最好就將佢地分籠

有兩個可能性：
1.肚痾 (濕尾症)
原因 : 細菌感染、食物變壞、壓力等都有可能做成肚痾。
症狀 : 除肚痾外， 仲會出現體重減輕、食慾不振等症狀，剛斷奶及長毛種既倉鼠易出現此病。
預防及治療 : 如果金錢、時間許可立即帶佢睇獸醫，因為唔同原因，醫治都有差異。平時要保持籠子清潔、每日更換乾淨涷滾水 / 蒸餾水、檢查食物有否變壞、減少壓力。

2. 寄生蟲性腸炎
原因 : 腸內受到各種寄生蟲感染，例如毛滴蟲。
症狀 : 多數出現軟便、水便、食慾不振、脫水、腸脫出等。
預防及治療 : 口服止瀉藥及驅寄生蟲藥，被倉鼠便便污染既物品，要立即清潔消毒。

試下比其他野佢食...佢肚餓應該會食ga....
但如果佢真係唔食ge話...最好帶佢去睇獸醫.....

大多數都係出咗啲毛病,你應溫獸醫 醫番你隻屙青屎~~~