寫/改歌詞有冇技巧?有可不可教我

唔知你想填咩詞, 我當你係想學填廣東話詞先la...
如果你想填廣東話詞, 首先要學好廣東話先~
唔好以為廣東話好易, 因為廣東話有9聲, 所以好容易會填到d詞唔0岩音,
同埋廣東話0既發音都比較複雜, 有時填得唔好會令到首詞唔順口, 或者押唔到韻,
我認為學廣東話拼音或者關於聲調方面0既0野會對你填詞有幫助。

同理, 如果想填國語詞, 當然要學好普通話la,
普通話比廣東話易填少少, 因為普通話得四聲,
但如果你母語唔係普通話的話, 仍然有一定難度。
如果你打算填中文詞, 最重要當然係學好中文,
假如你普通0既中文作文都作唔好, 就操練好普通作文先la,
否則未學行先學走, 填出0黎0既詞好極都有限~
我見你個問題都有d錯別字, 落->洛, 詳細->長細,
可能你要改善下呢個問題先呢 :P
填詞同作文都有少少似, 不過填詞0既難度更加高,
因為要顧及埋d音樂...

所以, 如果可以有少少樂理上0既知識就更加perfect la~
但係我覺得識樂器對填詞0黎講又唔係必須0既,
最緊要識聽ga jer~

初學填詞, 可以睇多d人地0既作品先,
嘗試學下分析人地有咩填得好/唔好0既地方,
日後作為借鏡。


靈感方面, 其實多留意身邊0既事物就可以,
基本上乜0野都可以做題材...

我唔係專業填詞人, 可以俾你0既意見大概係咁多,
如果你想知多d 0既, 我睇過有幾本關於填詞0既書幾好,
圖書館有得借, 你可以搵0黎參考下：
１．《粵語歌詞創作談》　（作者：黃志華）
２．《香港詞人詞話》　（作者：黃志華）

圖片參考：http://www.hkbookcity.com/image_book/9620422597.jpg

寫歌詞當然有技巧,要有靈感同要識五線譜,留意身邊人和事物,最好識彈鋼琴就最好,我都係咁寫歌詞

其實冇咩技巧，你喺日常生活已經可以搵到靈感，只要你多留意日常生活發生的事情，咁就得嫁啦！