小露寶居住習慣

✔ 最佳答案

A.倉鼠係獨居動物,一隻居住係唔會悶死,好似熊貓係獨居,安安佳佳都係分開住,佢地都唔會悶死,海洋公園都唔會係想悶死佢地先分開佢地

因為係獨居動物,鼠鼠佔地盆既心態好強,所以好易會打交,而打交絕對有機會打得死,就算當佢得50%會打(我細個一籠兩隻左好多好多次,係100%打),咁都唔應該搵鼠鼠去博吧?

好多人話鼠鼠打交係玩,打到流血先要理,但打到唔流血鼠鼠都會痛吧?而流血先理,咁係咪一定醫得返好鼠鼠?如果一打就打死,打死先唻後悔就太遲了

其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.真係想鼠鼠生BB既話,第一件事要諗下點解要鼠鼠生bb?只係因為想有鼠bb唻養,只係因為鼠bb得意?
咁又有冇諗就算成功生左鼠b,咁之後諗住點處理?當佢一次生得唔多,生4隻(最多紀錄26隻,好少有,但生7-9隻都慘了),當兩男兩女,咁鼠b同父母唔可以同住,因為會大蝦細or亂倫,當你唔怕佢地會打交,兄妹同住又會怕亂倫,繼續繁殖落去既話,最少都有3籠,唔再繁殖就4籠,咁係咪真係有時間,地方,心機去打理?
如果你家人本身都唔喜歡你養鼠既話,攪到咁多隻出唻又會有咩反應?
如果繼續繁殖,繁殖得咁快,唔打死既話,唔洗一年,可以有過百隻鼠了,之前睇人話,半年都有80幾隻

定係繁殖到出唻之後,一定可以搵到個好主人俾你既鼠?

諗完晒以上問題都係決定要鼠鼠繁殖既話,其實只要鼠鼠唔打死,都好易會有bb

C.若真係要繁殖,要留意以下事情
懷孕或懷疑懷孕要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

回答 (2)