冇錢又要學人買樓....

銀行多數只做七成按揭，你叫銀行同你做九成半就做咩！傻架？

２手居屋，要用綠表，即買樓後要退回公屋；你又唔係公屋戶主，你退咩俾房署啊？？

70~75萬既樓？？如果真係有，補埋地價都係一百萬左右；但現時有Ｄ咁既價錢的樓賣嗎？？二房一廳係天水圍、屯門都要一百二十萬起啦。

買樓！？你們有多少首期？？？二手樓要三成首期，一手樓雖然可以俾一成首期，但現時的一手樓只專注豪宅，成萬元一呎，你地又負擔唔起。

講吓供樓啦！你8K，佢7K，供樓最多是入息的一半，即你們加起來每月最多要供七千元左右，借貸最多不足一百萬，供25年，你地是否25年內不結婚、不生仔、不轉職？每月你兩餘下約七千元，其中約四、五千元要作家庭開支，你們每人平均只有一千元作上班及零用錢之用，你們可以嗎？？記著是「25年」。

買樓，現時樓價好低咩？？三年內都升了約二成，有機會會跌，你們又能否應對這風險？？

你買樓就一定要除公屋名，唔係層樓要計入申報資產，唔報不但要被人迫走仲要計刑事罪，為此影響一生，值得咩？？？

以你們兩人的收入,買佐樓都供唔掂啦!
萬一失業就更慘!申請公屋比較适合你們

買樓其實並不是遙不可及 , 看你要求是什麼而已 , 要是沒太多要求 ,
買層樓有多難 , 要是要選地點 , 又要大又要靚 , 那就只能作夢了 .
現時來說 , 最平樓價可以說是屯門 , 屯巿中心三寶區 , 還有四十多
萬的舊樓可以選擇 , 交通方便三百多呎地方還過得去 , 不然的話 , 還
有些 Y 型居屋可以選擇 , 己補地價最平是58萬 500呎 , 九成半按揭首
其加什費五萬塊以內可以ok 了 , 殘舊可以自己油, 爛的可以自己修補 ,
沒有什麼是不可能的 , 做什麼也講辦法而已 .

買樓好長遠~結婚先供樓最實際!