PlayStation Portable and Nintenion DS Lite有咩分別?

PSP功能好過NDSL...
PSP D GAME岩男仔....
而NDSL就岩女仔多D....
其實玩遊戲係個人喜好，
只要你鍾意，買邊部玩根本唔係問題....


【主機美觀度】PSP：10分／NDS：5分
PSP外形時尚美觀，加上第一眼就望到佢個大芒，任何人見到都一定心動；相比之下
NDS外形似足一部字典機，雖然唔算好核突，但PSP予人既第一印象實在優勝太多。


【畫面華麗度】PSP：10分／NDS：6分
PSP個芒又大又16:9，NDS完全無得比。其實NDS雙螢幕有咁既大細已經唔差，但缺點
係可視角度非常低，坐你隔離果個根本睇唔到你玩乜，另外響陽光底下玩NDS，基本
上係完全睇唔到畫面(反光太嚴重)。不過，PSP既死／光點問題又比NDS嚴重極多，基
本上要買到一部完全無死／光點既PSP，真係要非常好手氣，另外根據大多數用家經
驗，PSP既死／光點會「自然、普遍地」於短時間內極速浦頭，個Q.C.真係差到......
如果非常介意死／光點，可自行扣除2分。


【聲音】PSP：7分／NDS：6分
其實平時玩遊戲的話，兩部機既聲音質素都係合格有餘，最低限度叫做有立體聲，
但一般而言PSP遊戲會比較「靚聲」和「大聲」。不過你打算用PSP聽MP3的話，最
好考慮清楚，同樣聽MP3，同樣用喇叭出聲，筆者部NOKIA 6230i(手提電話)都比PSP
靚聲。當然比起NDS總算係聊勝於無。如果追求靚聲的話，都係戴耳筒先玩啦！兩
部機個喇叭都唔係咩好貨色。


【操控】PSP：3分／NDS：9分
你無睇錯，我無講錯，PSP既操控手感只可以用「垃圾」唻形容！除左部機本身無NDS
咁好「渣」之外，佢個死人十字掣真係夠晒「十字」，基本上只可以順利感應到↑↓
←→四個方向，一用到「斜位」就感應不良，由此衍生一個極大問題....... 如果你玩賽

車、麻將、RPG之類唔需要按「斜位」既遊戲，個操控係OK，但一玩動作、格鬥、射
擊、足球等遊戲時，真係玩到無名火起！你可以想像玩高達時無法打斜走、玩格鬥時
「CHOK」唔到招、玩射擊時無得打斜飛、玩Winning時無得走斜線既凄絕慘況嗎？無
錯PSP另備Analog掣一粒，但果粒野既手感都唔好得去邊(位置太低)，仲要唔好忘記唔
係隻隻game都支援Analog。NDS響呢方面就優勝太多，佢個十字掣其實都唔算太好按
(比起GBA、GBASP而言係差左)，LR兩粒掣特別唔就手，不過點都唔會衰到「操控困
難」先，基本上玩乜遊戲都無大問題，另外要盛讚佢個Touch Screen，佢可以發揮比
滑鼠更加便利／直感既操控性，配合十字掣及咪高峰，可衍生出無限個具創意既遊戲。


【便攜及保養性】PSP：5分／NDS：7分
其實兩部機既體積都屬於「偏大」，筆者認為史上最佳大細既手提機仍然係GBASP，
入落衫／褲袋就行得，呢兩部野拎出街時要突登搵野袋住都幾煩！不過NDS既便攜及
保養性一定比PSP好，因為佢係「摺機」，基本上摺埋佢就可以放入袋，個機殼唔算
太易花，但係PSP就一定要另備機套／機袋，否則行街「鄧」兩「鄧」之後個芒一定
花到阿媽都唔認得，肉赤死。


【讀取時間】PSP：3-6分(視乎遊戲)／NDS：10分
大家拎得部機出街玩，多數都係為左搭車時「攝時間」吧？不過香港地咁細，你搭車
搭得幾耐？通常15-30分鐘就落車／轉車，點樣響咁短時間入面盡情享受遊戲樂趣，係
筆者非常重視既一點，呢方面NDS可以話係完美，由於佢係用「卡帶」作儲存媒介，
一般遊戲時根本無所謂Loading Time，只係間中有遊戲阻你兩、三秒儲存遊戲進度，玩
家可以將99.9%既時間放響玩遊戲方面。相比之下，PSP就顯得非常慘烈，由於佢係用
一種叫「UMD」既光碟作儲存媒介，基本上遊玩中途要不斷Load Load Load Load
Load...
好多時真係LOAD多過玩！情況比家用的PlayStation更為嚴重。如果你經常坐短途車，
絕對唔建議玩PSP，因為你LOAD到入標題畫面可能已經落車了！但當然每隻遊戲所須
既Loading時間都有分別，不過客觀唻睇普遍都係唔理想，入game時LOAD十幾秒係平常
事，每關之間再LOAD你十幾秒都係好正常，仲未計遊戲儲存進度時又額外俾多十幾秒
你嘆...... 奉勸大家購買任何遊戲之前，最好先問人隻GAME既LOADING問題嚴唔嚴重，
陣間買左好似WINNING咁既LOAD碟王，夠膽死LOAD你三、四十秒先開到波既真係喊
都無謂。當然PSP係有「邪道」方法大幅減低讀碟時間，但呢點就唔納入討論範圍了。


【遊戲外功能】PSP：6分／NDS：3分
PSP除左用唻玩遊戲之外，仲可以睇相、睇戲、聽MP3，筆者覺得當PSP係相簿咁用係
非常唔錯既選擇，因為佢個芒顯示能力真係好好(唔計死／光點的話)，而且夠晒大，
用唻當相簿做DISPLAY，同睇3R相無乜分別，抵讚！但係用唻睇戲、聽MP3就有些少
搵笨既感覺，先講睇戲，我諗香港地根本無幾多人會買價錢昂貴(比DVD更貴)、無中
文字幕既UMD影碟吧？大部份人只會將影片存放響記憶卡上播放，遺憾既係PSP只支
援MP4格式既影片，解像度仲要有限制，換言之9成9既影片響載入PSP之前，都要先
用個人電腦花大量時間「轉格式」，就算你部電腦幾快都好，一般「轉格式」所需既
時間都比段影片本身更長，攪一大輪先拎得出街睇，點解唔響屋企睇左佢算？至於聽
MP3，上文已經提過佢既喇叭音質連手提電話都比唔上，另插耳筒音質係會好好多，
但如果一心當PSP係MP3機用會唔會傻左少少？你打算將部PSP掛頸嗎？至於NDS就完
全唔支援多媒體功能(其實可另購PLAYYAN增加多媒體功能，但價錢太貴絕不化算)，
只係內置一個無聊既「繪圖CHATROOM」以及鬧鐘功能(呢個就幾實用)。


【遊戲創意】PSP：1分／NDS：9分
由於PSP係完全沿用十字掣、LR掣、Analog掣作為操控媒介，因此理論上PSP係絕對玩
唔到「家用機都無得玩」既新類型遊戲，另因為開發「華麗遊戲」既成本太高及「邪道
猖獗」等影響，願意投資為PSP開發原創作品既廠商可謂萬中無一，睇一睇PSP個GAME
LIST，好多根本係PS1舊作或PS2 DownGrade移植作，毫無新意可言！相反NDS設有雙螢
幕、咪高峰及Touch Screen，雖然呢一切都唔係乜野劃時代新科技(液晶體時代已有雙螢

幕遊戲機、紅白機已經有咪高峰、PDA都一早用緊Touch Screen)，但呢三樣野融合後發
揮既化學作用實在太大啦！只要遊戲廠商夠創意，佢就可以開發出無數個「家用機都無
得玩」既遊戲，尤其NDS遊戲唔用聲光效果作賣點，開發新遊戲所投入既資金遠比PSP
低，風險細，廠商亦更放心開發新類型／系列遊戲，現時NDS好多遊戲都俾到「老機
迷」新鮮感，甚至好多無打機習慣既人(尤其女性)，都俾NDS既嶄新玩法所吸引，淨講
「創意」同「遊戲獨佔性」，NDS和PSP根本不可同日而語。

【前境】
NDS現時全球銷量約為PSP三倍，而且走勢有逐漸「放甩」跡象，尤其老任手頭仲有一
大堆「殺手級」遊戲未出(如：比卡超、撒爾達等)，相反PSP則接近「江郎才盡」，不
斷靠「炒冷飯」吊命，響日本基本上大局已定。不過，PSP響歐洲既銷售勢頭似乎蓋過
NDS，長此下去個發展可能係......NDS專玩原創／新派既日本遊戲，而PSP則專玩「炒冷

飯」大作及歐美遊戲。

大部份男子會玩PSP，因為想玩PES or winning or 賽車game等，
NDS是for大部份女子玩，因為有養dog game, cooking mama等，呢D都係女子like 的game。
其實我個人覺得您like Which，就得，唔使理人點看，。

E下係PSP同NDS GE一D 野~
商品名：PlayStation Portable (PSP)
機身顏色：黑色/聖誕白/金屬藍/粉紅色/炫光銀/香檳金/迷彩(遊戲附送)
大小：170x23x74mm(長x厚x寬)
重量：280g(包括電池)
CPU：PSP CPU(MIPS32位內核)，1-333Mhz（由軟體控制，基於電力續航考量目前鎖定上限為222Mhz）
記憶體：32MB
自帶DRAM：4MB
顯示規格：4.3英寸 16:9 TFT液晶顯示屏幕 解析度480x272像素 1677萬色
亮度：200(DC only)/180/130/80 cd/m2
聲音：內建立體聲聲音輸出
主要輸入輸出方式：
IEEE802.11b無線網(Wi-Fi)
USB2.0(mini-B)
Memory Stick Duo
紅外線
主要輸入輸出接口
Memory Stick Duo插槽
USB接口
外部電源接口
耳機/線控接口
輸入鍵
方向鍵（上下左右）
△、○、╳、□鍵
L、R鍵(各一個)
模擬操縱桿（XMB）
START（開始）、SELECT（選擇）、HOME（主菜單）鍵
POWER（電源）／HOLD（鎖定）開關
顯示屏、聲音開關，音量調節
UMD跳出鍵
電源
鋰電池(1800mAh,3.6v)
外接電源(5V)
軟體格式
PSP Game
UMD Audio
UMD Video
解碼器
視頻：H.264/AVC MP Level3
音頻：ATARC3plus、MP4、WMA、AAC
安全技術
128位AES加密
MagicGate版權保護技術
訪問控制
區域碼
年齡限制
無線通信功能
Infrastructure mode（通過無線基台進行多台PSP的連接）
ad hoc mode（最大16台PSP之間直接連接）
MP3/ATARC音樂檔案播放
MP4視頻播放，AAC格式解碼視頻
JPEG圖片瀏覽
無線網通信
可從瀏覽器中對記憶卡上的“.txt”，“.htm”及“.html”類型文件進行瀏覽（輸入方式為“file：/*.txt”）。

NDS~

[編輯] 雙螢幕
任天堂DS有上下兩個包含背光的3英寸液晶螢幕，可顯示26萬色。以往許多遊戲中必須要透過畫面切換才能看到的訊息，現在可以方便地使用第二個螢幕來看到了。


[編輯] 觸控式螢幕
觸控式螢幕為任天堂DS最大的特點之一。使用下方的觸控式螢幕和附帶的觸控筆，玩家可以靈活自如地控制遊戲進行。而且觸控式螢幕引入了許多以前通過按鍵不能實現的遊戲方式。


[編輯] 聲音識別
通過機身內的麥克風，玩家可以通過聲音來操縱遊戲。


[編輯] 網絡通信
主機支援Wi-Fi通訊協定，可以透過任天堂公司的無線網絡服務「Nintendo Wi-Fi Connection」與世界各地的玩家一起進行遊戲。


[編輯] 無線通信
任天堂DS主機內建的無線通信功能，可以將多台任天堂DS主機直接連線進行遊戲。分為「Wireless Play（無線通信遊玩）」和「Download Play（下載遊玩）」兩種方式。

「Wireless Play（無線通信遊玩）」需要準備與人數相同的NDS主機和遊戲軟件，最大人數無上限，依照遊戲軟件而有不同，例如「大合奏!バンドブラザーズ（大合奏）」遊戲可支援無上限的同時遊玩的人數。

「Download Play（下載遊玩）」只需要準備一份遊戲軟件，其他的NDS使用者就能夠從裝有遊戲軟的NDS主機上下載遊戲，並進行連線遊玩。

因為 Game Boy Advance 通信連線接頭在任天堂DS上被取消的關係，Game Boy Advance的遊戲軟件在任天堂DS 上無法連線對戰。


[編輯] 雙卡帶插槽
機身上同時配備有任天堂DS和Game Boy Advance的遊戲卡帶插槽。


我自己就認為NDS好D
好玩D同便宜D

I want to tell u that PSP's mon is brighter and better but NDSL has the touch sreecn and it can dowload games easier than PSP but PSP can play fewer games THAN NDSL!
NDSL can download games easily, can play more games...
If u use R4 in NDSL it is better!

good luck