離職原因一問

當然是不要填，正如樓上那位朋友所言，兩個月經驗對顧主來說根本不是經驗，你做了兩個用就唔做，就算新僱主諗唔到你係被炒(我諗你唔會儍到自己主動話俾人知你係被炒掛)，都會覺得你好唔定性，對新環境適應力低，或做人諸多挑剔，才會做了兩個月就唔做，既然你上一份工係咁，我今日請你番嚟你郁吓又唔做嘅風險都唔細，我點解唔請第二個。

就算你費盡唇舌解釋，由於你一定唔會話係俾人炒，你只有講大話形容舊公司點樣唔適合你，你點樣喺好無耐嘅情況之下唔想走都要走，點樣有自信今日in呢間公司一定會做得長之類，會信你吹嘅老闆可能都唔夠一半，仲要你口才真係有番咁上下至得。

橫掂都係講大話，點解唔話我過去呢兩個月都係搵緊工，由於自己對職業嘅態度認真，想搵一間好嘅才join，因此物悉上可能會較花時間，但長遠嚟講都係值得，而貴公司就正係我相信可以放心喺度長遠發展嘅公司啦！因為搵工兩三個月以呢個年代來說真是不長，會信你吹嘅老闆一定會比聽你解釋點解兩個月就唔做嘅多啲。

2個月都係你的工作經驗
你照寫囉
你見工人地都會問返你..之前份工係咩
佢覺得合適就請..不合咪搵過第二份囉
不過人地問你..點解之前唔做
你話自己覺得唔合適..or想一些原因出來好了