請問 (泳兒) 送我一個家 既 歌詞意思係咩.....

呢首歌係講『家』0既定義：

0係樓盤廣告,『家』係「晴朗天　榕樹蔭 月半彎」, 個畫面有幾靚得幾靚,
歌者就諗啦, 係咪住0係0個度就唔會同家人爭吵? 真係咁美好?

歌者對『家』0既疑惑, 如果d鄰居好多煩惱, 咁到底佢會唔會為0左一個心愛0既人而回到呢個地方? 佢地住0係呢度, 第時會唔會都會變成佢d鄰居咁多野煩?

0係室內設計範疇,『家』係「藍吊燈　桃木桌 白絹紗」, 歌者又回想到, 佢曾經去過巿區以外0既一個地方, 0個度先似係佢心目中0既『家』, 然而0係城外, 又何需室內設計?

「密碼」一字, 相信係講歌者希望佢情人可以送一個佢心目中0既『家』畀佢, 而唔係只係入屋0個個password, 歌者係希望與情人回到『家』之後可以好融洽咁生活。

『家』並唔係樓盤、『家』並唔係室內設計, 『家』係歌者與情人的愛~~~