點解倉鼠成日咬我~

A.買左一星期其實都唔係好耐,唔想俾鼠鼠咬可能了解一下鼠鼠點解咬人,就可以避免俾鼠鼠咬了
而少掂鼠鼠唔會令鼠鼠覺得你隻手係食物既,你買左隻鼠一星期,又未熟咁,唔好掂鼠鼠咁多仲好,唔係易嚇親鼠鼠,咁反而有反效過

成日咬人既原因多數有以下幾個可能:
1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀

養耐左都同鼠鼠唔熟,都可以試下再同鼠鼠熟返:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

7.懷孕既鼠都會特別精神緊張,從而成日咬人

被鼠鼠咬到,雖然冇咩危險,但傷口一定要處理既,所以記得消毒同貼膠布呀

B.同鼠鼠未熟,你可以用較多沖涼粉同佢沖,將沖涼粉加落鼠鼠背上,加多幾次,咁裝住鼠鼠既地方都會有沖涼粉,鼠鼠在上面郁都會沖到埋其他地方,只係冇咁乾淨,但鼠鼠自己都會整下
如果真係想同鼠鼠整下身上既沖涼粉,又唔想用手,都可以去鼠店買鼠用既梳,不過鼠鼠大多會好驚,我就唔建議你咁做

同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下
如果佢郁唻郁去,你可以一隻手抱起鼠鼠,一隻手將粉整落鼠鼠身
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既.
2)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
3)盡量避免沖涼粉整到鼠鼠既眼耳口鼻

可能係你隻手指有食物的氣味掛～～

同埋可能佢好驚。

比多ｄ貼屎比你
倉鼠係唔可以同埋其他倉鼠一齊養，因為佢地認為有人想搶地盤，跟住佢地就會打起來

以上是個人的議見。

我諗你隻倉鼠應該係好怕d陌生人,,所有先成日咬人,,

放心吧,,唔會有太大問題
圖片參考：http://hk.yimg.com/i/icon/16/27.gif


我都成日比自己D鼠鼠咬

冇乜事架咋..,

你只要小心處理個傷口就得架喇

而佢地咬籠都只係想磨牙

因為佢地如果D牙長得滯

會頂住好唔舒服..所以先咁
YAYA
圖片參考：http://hk.yimg.com/i/icon/16/67.gif