若被警察搜到身上有250g海洛英,有咩可以做,法官會點判! thx!!

根據香港法例第134章[危險藥物條例]第4條 - 販運危險藥物罪 - 如被判有罪, 最高可罰款5百萬及終身監禁.
你藏有250克海洛英, 成4份1公斤, 會被告販運, 無得話自用.販運250克海洛英, 刑期要睇果d海洛英粉末内實際含量, 即係俗稱 "純度". 根據經驗, 海洛英粉末内實際的海洛英含量約為20%, 即係50克. 而高等法院的量刑指引(CACC230/89 R. V. Lau Tak Ming) 是10克內2-5年, 10-50克5-8年, 50-200克8-12年, 200-400克12-15年, 400-600克15-20年. 600克以上可判終身, 由法官判. 所以你應會被判監起碼8年. 認罪就可減3份1, 即係判監64個月.
在監獄服刑行為良好,可以得到最多為刑期三份一之"刑期扣減"(Remission for Good Behaviour). 即係實際要坐約40個多月
你應請律師幫你求情.