如果買晒倉鼠用品ge價錢大概係幾多

mk Q兔廊 買齊用品 150 有找 (倉鼠唔計)
籠$65 包飲水, 轉轉 ,屋 ,糧兜
糧$25 , 850g
木糠$9 ,冇味
沖涼沙$20 ,0檬味
磨牙石$10 , 2-3粒 (細)
倉鼠可在,mk 龍貓樂園 , 寵物便利 買到 普通小灰倉$15 ,小紫王,小銀狐$25-35 ,金倉,杏倉$55
全部共$200 ,非常抵 , 唔需過千^&^

買鼠連用品幾錢就好睇你自己想點養,主要最貴既都係鼠籠,幾十有一個,但5百幾都有,買籠買得貴就十分易過千,可以俾資料你參考一下:

倉鼠價錢就睇你買咩鼠
小灰霸大約 $6-20
小紫王大約 $6-40
小銀弧大約 $30-60
小露寶大約$10-30
熊仔鼠大約$50-150

買鼠時要買既物品及留意事項:(大約價錢)

1)鼠籠(數十~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.

2)水樽
多數籠都包埋,每次換水時必須用手試下係咪出到水.

3)沖涼粉($30~65)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.

4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.

5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)

6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題

7)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了

8)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感

9)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠

10)額外物品(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既

2007-10-27 17:56:30 補充：
沖涼粉or木糠,都唔好買有味既,因為咁易令鼠鼠敏感,嚴重既敏感係會致命

唔會 !! 大概 6 百幾 至 700 蚊到 !! (( 買靚 d 嘅倉鼠用品嚟計 , 連倉鼠 ))