請問香港體檢(397)前景如何?

你入的價位也算是不錯的，當然是以投機的角度看。
好耐之前，我講過，此股下年的合理價約在0.2-0.25元。
如果是投資的話，又信那些大計的話，下年應該都係咁上下股價。前景是一般，比很多大價股的前景差，我講的是每年的純利會增長多少。有興趣，可以去佐敦的分店看看，或幫襯下佢。是否值得投資。
如果是投機的話，之前看似見了底。你入的價又不是太高，可以短期上望0.25元，好好運可以升到0.3元。如穿0.22元要走了。

完全不看好這些股票，地雷股一件。
我引用番自yahoo 博客隨笈所發表的一份文章：
前幾天看到一個網友的一篇有趣文章，講述他因腸胃炎而光顧康健國際(8138)的經歷和感想。（由於樓下的醫生爆滿，所以被迫去光顧康健）


那個給他看病的是二十幾歲的醫生，醫生的枱上面於了個2007年學業成就奬的奬座，那個醫生應該是剛畢業的新醫生。那位網友叫醫生打支特效針，於是那醫生親自操刀，整個過程中那醫生表現很亂，連續五次叫網友不要緊張，但其實緊張的卻是那位醫生，結果簡單的打一支針卻弄了七八分鐘才完成。網友的想法是，一般的情況，他是不會去看康健的醫生的。
最近，康健國際(8138)和香港體檢(397)的股票很熱，炒得很高。確實點樣炒起我無跟進，唔係好清楚，不過我知道呢兩隻股都有ｄ概念炒下，例如國內醫療（好似話搞牙醫）、旅遊體檢等等。

我夠膽講一句（冒着被人掟雞蛋的危險都要咁講），呢兩隻股都是垃圾。
先講講康健，它的主要生意是基層醫療服務(Primary health care)，即是簡單來講普通科醫生門診服務，其他生意包括牙醫、身體檢查等，最近還加強投資美容、男士脫髮治療等服務。
康健的盈利能力好差，大家睇一睇佢既財務表已經知道。它很早就已經上咗市，比其他醫療集團有着很大的資本優勢，在沙士之前本地集團醫療還不是很大競爭的時候，竟然在極大的優勢下都無法領導普通科醫生的市場。早幾年的時間還可以賴私人執業的普通科醫生難請，所以好難擴張。可是到了04-05年，醫管局因為職位不夠，好多醫生被迫走到私營市場就業，另外在市民對基層醫療的需求在穩定上升的時候，康健亦無法抓住機遇迅速擴展。
大家可能有所不知，診所的生意最大的支出是醫生的工資和鋪租。在03 - 06年可謂診所經營者的蜜月期，因為經歷沙士後地產低迷，鋪租負擔輕了好多；而當時因為突然好多醫生轉投私營市場工作，因為供求關係，他們當年的平均工資底薪只是今年的六至七成左右，所以一般經營良善的集團式診所理應賺好多錢（經營得很好的診所一間甚至一年可達七百萬至一千萬港元的生意額；康健目前擁有幾十間診所，不少仍在虧損。）。但康健的表現卻令人失望，這和康健的管理層質素低劣絕對有關。
踏入07年，診所的經營隨醫生的工資和鋪租的上升，以及愈來愈多的新競爭者加入市場，經營會更困難。康健的主要策略主要是收購一些細的醫療集團，做聯營診所；收購體檢的設施和中心等等。可是，我認為它們實在應該老早就這樣做，現在才做實在太遲。因為好多原本弱小的醫療集團如盈健、基健等已經在03-06年的大好市中迅速壯大，成為好強勁的競爭對手，以康健目前的財力，已經無法吃得下它們了。至於內部管理，那位網友的文章已經道明一切：管理不善。醫生的培訓沒有做好，診所的助護（姑娘）亦沒有任何技能上或客戶服務上的訓練。我可以話俾各位知，康健的姑娘大部分連洗傷口、打針、包紥和度血壓等基本工作都完全不懂，更不要指望她們能夠正確指導病人正確的用藥技巧，只要她們沒有配錯藥已經很不錯了。由於康健只能提供質素低劣的服務，在強勁的競爭下，只能淪為競價行業、做毛利極低的合約醫療，盈利愈加困難。其實只要康健好好的做掂基層醫療服務，盈利早就盤滿砵滿。
至於體檢方面，競爭一樣激烈。目前本港已有一大堆信譽優良、服務優秀的化驗所、私家醫院，康健只是初哥，由於絕大部份身體檢查都是要經醫生同業的轉介，醫生會傾向於轉介病人到一些信譽良好或者價錢低廉的地方。我相信目前康健的體檢生意未能為集團帶來厚利，頂多只是減少了內部診所的化驗及檢查成本而已。
至於國內醫療，我不相信一個連本地的市場也搞不好（管理層是本地人）、財務薄弱的集團，去到國內這種複雜的市場會有什麼的大作為。旅行體檢更是概念而已，成效難料。所有一切只是一個空泛的概念而已。
原本康健的話事人是曹貴子，他是醫生。其他的管理人如馮耀棠也是醫生。我有一個自認非常正確的偏見：醫生永遠是糟糕的生意管理者（唔睇康健都睇下醫管局）。另外的董事曹貴宜是曹貴子的兄長，以前曹貴子打本俾佢做日本料理生意，搞唔掂勁蝕，好似最後執左笠。後來引入左玩具大王，而家我相信唔係好得幾多，CEO係玩具大王個25歲的千金，真係要上天保祐至得。
講到呢度，一定要講埋香港體檢。呢間嘢直頭就係負資產，從未賺過錢，連P/E都無。香港體檢以前個殼好似係做成衣生意，勁蝕後業務重組，轉型搞體檢生意，引入康健成為大股東，管理層亦變成康健班人。呢檔嘢簡直由裏到外都係垃圾，希望藉着改個靚名翻身。它沒有什麼網絡，沒有什麼有用的資產（除了剛搞的佐敦體檢中心）。最近有雜誌講，香港體檢董事玩具大王的千金蔡小姐，頻頻搞飯局請財演例如鄧聲興等食好嘢搞關係，要佢地唱好，藉以提升股價，搞配股等等的活動，不斷在這個狂熱的市場中抽水。
所以，呢個組合，係一堆垃圾加另一堆垃圾，結果變成一堆更大的垃圾。我睇電視見到ｄ師奶問財經人士是否應長渣香港體檢，個財經人士叫佢長渣，話呢間嘢有前景！──────簡直就是悲劇。
係香港，有一個同零售業好似既行業，就係基層醫療行業。我一直好懷疑那些醫療集團究竟係咪真係可以賺到錢。而我一直認定康健國際 (8138)，是一隻財技老千股，而不是一隻實力股。

聽好多人話：而家Ｄ人有錢咗，注重健康多咗，多咗人郁Ｄ會去睇醫生，多咗人願意俾錢做體檢，於是就睇好醫療行業。這實在是膚淺的見解。

而家百幾蚊就可以睇一次醫生，有Ｄ甚至幾十蚊已經得。同我細個果陣差不多，好似而家仲平Ｄ添。地舖舖租係咁升，領滙加租亦無手軟。人工係咁升，醫生、姑娘以及清潔工人都係。藥物成本係咁升。另外，就算生意爆棚都好，也是無用，因為醫生都係得一個係度，頂龍兩個最多三幾個，睇到幾多個症始終有飽和，總唔會有醫生一日可以睇到二百幾三百個人咁勁掛。都未講競爭呢個因素，牌面已經輸咗九成。

香港體檢 (397)更加唔使講，識我既人都知我極度睇淡呢間嘢。除咗個靚女高層外，我無乜嘢欣賞佢。之前我都寫過一篇關於呢間嘢既文章：http://hk.myblog.yahoo.com/Chui-Cup/article?mid=183。前排有個醫生朋友同我講，體檢早前派咗個肥婆醜女 sale 屎去佢診所，sale 佢地既服務，希望佢轉介Ｄ病人過去做檢查。但係個 sale 屎態度勁囂張，又唔識 sale ，一味只係 sale 自己幾咁服務齊全，點樣一站式，點勁點勁。但就完全無法說服人地，佢地既服務點樣獨特，同埋佢地憑乜嘢可以令醫生放棄原先合作多年以及設備同樣優良的化驗中心以及診斷中心？而轉用佢地？397 既服務又唔係平，又無優惠，做乜要用佢呢？簡單來講，即係無賣點。
應快換馬
圖片參考：http://hk.yimg.com/i/icon/16/26.gif

黃師傅
圖片參考：http://hk.yimg.com/i/icon/16/1.gif

入咁小貨,蝕手續費都蝕死啦,仲問前景,早d抖