如果你係我,你會點呀?各位入o黎睇下,分享下呀,唔該

每當我面對 d 咁複雜o既問題時就會觀察 "小朋友" o既解決方法 ...

簡單直接 d, 唔鍾意o既就 say "no". 如果你認為你阿爸阿哥成日攞錢唔o岩, 唔好繼續比. 尤其因理財不擅, 不良嗜好所致的"攞錢". 你繼續比錢等同於認同佢地o既行為, 只係害o左大家.

你想同阿媽散心而先洗未來錢只係想令自己跌落火坑時好過 d, 你自己都明白唔係正確o既做法. 明知"散心"後會引起一條債仍然去"散"心? 諗起個後果就咩心都散唔開. 掉轉想, 不如而家咬起牙關做兼職儲錢, 夠數o勒就真係去散心, 食碗拉麵都香 d.

緊記唔好比自己藉口"壓力大"而去犯錯, 否則"壓力大" 可以去o拍丸, 打劫, 打人, 殺人, ... o麻天下大亂? 你本人及屋企人有情緒或錢債問題可打明愛向晴軒熱線 18288, 有專人幫到你. 振作啦年青人! (^0^)

我老公都同你一樣有情緒病,不過佢慘過你,佢係雙重情緒病,係抑鬱加躁狂,會輪樓發生,已睇了6個幾月醫生了,家中有個精神病成日發脾氣嘅老爺,有個成日返黎攞錢嘅細佬,我老公起佢轉左躁狂時有二次差些同老野打交,之後我哋就搬左出黎住,無幾耐我老公因經濟壓力又變回抑鬱,因我哋係抽緊公屋,我唔可以出黎做野,現在得老公一份糧,一萬到,5千幾租金,水電煤,還有醫藥費,我哋嘅生活仲難捱過你,所以你已經唔係最差果個了,加油啦!!!

做人做事都要量力而為，無錢仲去日本?仲要用屋企錢，你有幾錫你媽咪呢?我會覺得係你想去多啲囉，借俾阿哥係屋企錢，你所謂嘅使費都係屋企錢，總括你係無拎過錢出黎，唔該你醒下啦! 仲俾咁多借口自己，香港人個個都有壓力架啦，唔通個個都簽爆咭咩! 你所想同所做都係自私嘅行為。

你依家應該老老實實同屋企交代清楚，唔識理財更加唔應該保管家人嘅錢，咁係好危險架，借p-loan應該還哂咭數先，咭數利息高好難還得哂，屋企人唔會同你計利息可以每個月還兩三仟分幾年張所有欠債還哂，以你月薪萬二一啲都唔難。

回頭是岸....!

你都話：你亞媽好像習慣左咁！咁點解又要去散心。你根本都好亂，自已都唔知想講咩！你咁多問題不如你用紙筆字低你而家既問題！之後再寫上自已想怎樣解決啦！咁樣你又可以清楚D又唔洗左想右想、最後都唔知自已想緊D咩！希望你既問題快D解決到啦！