有什麼儲蓄方法和節儉方法

儲蓄方法教你唔到
慳既方法其實好多人都有, 我自己既方法係:

1. 帶飯返工 - 早餐食屋企, lunch帶飯叮, 如果無得叮, 一係屋企叮定入保温壺, 如要外出食可以的話揀下午茶時段食, 平一半有多, 放工叫你屋企人留飯比你放學返屋企食, 要留意公司附近有邊d舖頭食野平, 隨時e肚得黎唔洗用太多錢,仲有街市同超市有d平價飯盒十零蚊有交易
eg. 我一日三餐出街食但係都可以食得好平
早餐三文治$7/ 牛肉粥$10 / 麵包舖各式麵包$4-$7 / 街市"羅"米雞 $10
lunch $14 北姑蒸雞飯(係舖頭唔係7-11唔係下午時段)/$15 街市一餸+大碗白飯 / $15吉野家下午茶大碗飯 / 公司附近仲有幾間雲吞麵檔係$11-$13一碗雲吞麵, 有d仲幾好食架
晚飯$14 cheap cheap茶樓一個蒸飯 / $12 外買燒味飯果一間唔外買無$12 / 我至愛既咖喱雞翼雞飯$20

2. 帶水樽 - 如果要出外工作, 一定要飲水, 自備水樽係屋企公司裝定水出去, 體育館同運動場都有水機可以裝水, 仲有係屋企個雪櫃, 阿媽一定有存貨比你係屋企或帶出街飲

3. 車錢 - 如果步行返工係30分鐘內, 當做運動啦, 如果要撘車check下d車價同埋有咩優惠, 點樣撘抵d
eg. 我返工輕鐵轉西鐵再轉接駁巴, 一張月票($300)撘晒, 星期日仲可以去尖沙咀行街都係靠佢, 如果我唔西鐵最平撘巴士來回都要$25一日

4. 手機電話費 - 用2g啦, 2g電話費d plan平好多, 仲有零機價先好換手機, 但要小心睇下有咩條件先, 仲有3g機2g咭係可以用得, 不過有d 3g機既funtion唔用得, 飛線返公司或者屋企, 無咁易爆分鐘

5. 揾多份工 - 有d part time可以返星期六或日或公眾假期,又有d工可以拎返屋企做
eg, 我個朋友係酒店炒散, 可以揀日子返, 另外有個朋友係護老院做替工, 淨係返星期日, 又有個朋友做設計, 接d散job返屋企做, 我自己幫朋友做會計, 又係拎返屋企做

6. 善用信用咭 - 信用咭有好多優惠, 但平時千祈唔好帶信用咭係身, 要用先帶, 八逹通水電煤保險等日常野...用信用咭交啦, 雖然每$250回贈返$1蚊, 當discount, 但係記住咭數一定要月月清, 如果怕唔自制無錢就用八達通, 咁就唔好將八達通錢係信用咭入數

7.銀行戶口 - 我有三個戶口, 一個係平日用既生活費, 一個係屋企所有支出(而支出可以用信用咭交都用), 入既數基本上係固定咁滯,一出糧就入錢以及即刻找既所有數, 一個係固定儲蓄(其實就算二三百蚊都好, 一年都會有二三千蚊淨到), 交費同儲錢張提款咭係唔會帶出街

其實香港好多好似你咁又要返工又要返學, 人工又少, 學費又貴, 除左靠自己開源節流外, 好大程度要靠屋企人支援, 比少d家用(雖然唔係幾好, 唯有平時孝順d補返數), 多用屋企資源支持, 不過同時都提醒你, 呢d生活唔易捱, 1. 會少左朋友, 因為少左出街要慳錢, 2. 堅持唔洗錢係件好難既事, 尤其是月頭你有錢係身果陣, 啱你用就參考下啦

2007-10-26 01:57:21 補充：
補充少少娛樂消費上可以慳1. 網上拍賣 - 有好多平靚正既貨品, 不過同好多無咁好或假既貨品,要自己小心選擇同埋睇返賣家信用作參考, 我個妹好鐘意係網上買野, 有時可以買到d平市價一半既野, 當然有時二手野就可能用得耐會舊, 但有d貨品係新既。2. 善用文娛優惠 - 同朋友睇戲揀星期二, 自己一個睇戲聽歌就上網啦, 唱k 揀k lunch, 四十幾蚊有得食有得唱, 科學館, 博物館每星期有一日免費(如果買年票好平, 仲可以去晒咁多間咩館咩館添), 生日先去海洋公園, 平時可以約朋友去康文署或者屋村樓下d公園球場打藍踢足球, 唔洗錢得黎又健康同開心

盡量自已煮三餐。返工果餐帶飯盒。捱完IVE仲冇人工加就轉工。有時間就睇理財書，目標在讀完IVE後有儲蓄投資能力。