想問敬茶賀語

飲過女婿茶,富貴又榮華。
飲過新抱茶,好快做“女麻”“女麻”。
飲茶笑呵呵,好快做婆婆。
飲茶笑騎騎,好快做爺爺。
茶到口,財到手,買車又買樓。
飲深D,中三T。
戴過金介子,好快生對金童子。
金鍊戴上頸,好快住山頂。
飲茶到口,橫財就手。
飲茶到口,得心又應手。
戴囍戴囍,新娘好快有囍。
戴囍戴囍, 戴過風生又水起。
飲茶飲到尾,年頭靚到落年尾。
金介戴上,三年抱兩。
一啖飲到尾,年頭賺年尾,買田又買地。
一啖飲到尾,青春又健美。
帶個大金牌,一世唔洗捱。

2007-10-26 00:18:07 補充：
仲有d好好笑: 飲過E杯茶, "bao" 你靚仔過刘德華

添一添,賺萬千。

飲過新抱茶,靚仔過劉德華。

飲茶飲深D,索過張柏芝


爸爸﹕
外父飲杯茶﹐生意單單大又發。

媽媽﹕
外母飲杯茶﹐富貴又榮華。

大伯+大伯娘﹕
大伯飲杯茶﹐身體健康無有怕。
大伯娘飲杯茶﹐打牌次次食三家。

姑媽﹕
姑媽飲杯茶﹐金銀珠寶勝六福。

大表姐+大表姐夫﹕
大表姐夫飲杯茶﹐新車好多架。
大表姐飲杯茶﹐身材fit過林青霞。

二表姐+二表姐夫﹕
二表姐夫飲杯茶﹐贏馬易過飲啖茶。
二表姐飲杯茶﹐暗瘡唔會發。

表哥+表嫂﹕
表哥飲杯茶﹐俊過劉德華。
表嫂飲杯茶﹐靚過呀嬌呀SA。

男家斟茶

“女麻”“女麻”
“女麻”“女麻”飲杯茶﹐子孫好快一大班。

姨婆﹕
姨婆飲杯茶﹐開心快樂慢慢嘆。

爸爸﹕
老爺飲杯茶﹐富貴又榮華。

媽媽﹕
奶奶飲杯茶﹐好快就抱孫做“女麻”“女麻”。

姑丈+姑媽﹕
姑丈飲杯茶﹐打牌次次食三家。
姑媽飲杯茶﹐金銀珠寶勝六福。

舅夫+舅母﹕
舅夫飲杯茶﹐新車好多架。
舅母飲杯茶﹐新屋買幾間。

姨+姨丈﹕
姨丈飲杯茶﹐身體健康無有怕。
呀姨飲杯茶﹐靚到好似剝殼雞蛋。

三叔+三叔母﹕
三叔飲杯茶﹐豐衣足食一樂也。
三叔母飲杯茶﹐暗瘡唔會發。

拉叔+拉叔母﹕
拉叔飲杯茶﹐贏馬易過飲啖茶。
拉叔母飲杯茶﹐身材fit過林青霞。