基督徒的見證~~

係2005年5月有個朋友帶左我去一個教會既聚會，果時有五六個弟兄姊妹係果度查經，我見呢班人都幾好人，咁就冇抗拒佢地喇，一直去到6月有一個弟兄就比左D音樂佈道會既飛我叫我帶D朋友黎，係7月23我返左黎，係果度開口信左主。之後我就開始返家聚，直到有705開始我就開始返主日喇。其實果時我對呢個神都冇咩認識，返到黎都係hei下hei下咁，但係都keep住番，見證聽完就算，講道有陣時就會係度釣下魚咁，但係我都唔知我點解會返足哂黎既。

果陣時我就係一間係中環既公司做暑假工，有一日橫風橫雨，公司要我送D機票，咁送完喇，之後番返公司。咁人地公司就打黎話我只係送左個機票套去，如果搵唔番就可能要我嘔番疊機票D錢出黎，記住個量詞係疊，係果一刻我唔知點算。我突然醒起我信左耶穌架喎，之後我就做左個祈禱，叫主黎幫下我，我實實在在唔想嘔果D錢出黎。之後過左冇幾耐就有一個人拎返疊機票黎公司，剛好係門口見到我上司個上司，比返果疊冇公司地址，冇公司名既機票佢，之後果個人就即刻閃左喇。咁我公司就可以void左張飛出過而唔洗我嘔錢出黎喇，之後我就比人捉左去照肺喇，但係果次係我比人罵得最開心既一次。果時我信　呢件事係主做既，因為呢件我看係冇可能既事，神就為我做左喇。在人不能，在神　凡事都能。係果陣我就開始對神認真喇，知道呢一個係真神。

我係住係屯門既，我返學都係係屯門既，我平時既活動範圍都離唔開屯門，元朗，天水圍同荃灣。果陣時教會係灣仔，我每星期家聚同埋主日，車錢加埋食野每個月大約都會用600蚊左右。係我返教會之前同班朋友就開左一間公司，我地為左呢間公司其實都放左唔小錢落去，所以其實返教會D車錢呀果D對我黎講都係一個負擔，我果時都有諗過，不如返一間近D既教會啦，之後我同一個弟兄分享，佢就話佢可以幫住我先，咁我當時就如果自己有錢都盡可能用自己既錢，咁迫不得以都冇辦法都要弟兄幫忙。

上年教會有一個布永康牧師係新加坡既聚會我好想去果個聚會，但係我跟本就冇錢參加，但係聽完一個姊妹唔洗錢去韓國既見證之後我就運用我有限既信心去報左名，交左報名費。當我跟住主既腳步黎行，主既祝福就開始黎到我既公司，就算我地咩宣傳都冇做，都會有D朋友既朋友既朋友黎主動搵我公司，多謝主一路既祝福我，等我有錢可以去新加坡，見到主可以用布永康一個白人，去到非洲呢個白人既地方去帶一場數以百萬計既人歸主。主就感動我可以向其他人去傳福音，而家我前年果班人最近已經有超過半班信左主喇。而家主一路都好祝福我，教會般左黎砲台山車錢都冇問題，做左十一之後仲可以請D未信主既朋友去聚會，信左既朋友冇錢買聖經我都可以買比佢地。我來了、是要叫人得生命、並且得的更豐盛。

係我返教會之前既我對咩野都冇咩興趣，除左研究電腦之外就係打機，一日可以用成十幾個鐘去打機，日日都漫無目的咁，過得一日得一日，呢個世界好多野都唔關我事。以前我比朋友既印象只係得一個，就係串。同埋唔鐘意去答人野。而家返左黎教會之後主叫我去學識左好多野，叫我學識左去關心別人，得閒就約D朋友一齊出黎食下飯，傾下計。我而家成個人都改變左，對好多野都有興趣，我開始有興趣去學野，以前我學每一樣野都好易去放棄，但係而家主比我能力去學彈結它，學習去敬拜主，學習睇聖經，學習專重人，學習服待人。

而我媽媽係一個精神病患者，但自己不認有病，不吃醫生處方的藥物，病情一路惡化下去，更到了要入住青山醫院的情況，而我信主後多番為她禱告，更去青山探病時為她按手，很快她便出院了，而家都會自己keep住食藥，也沒有復發的情況了。

只寫了粗略的東西...因為見證實在太多了- -

根本《聖經》就充滿流料，例如四福音書中就只有《馬太》及《路加》兩本有耶穌出生事蹟，連最早的《馬可》都沒有，而兩本福音之間矛盾嚴重（例如《馬太》版本的約瑟本來是伯利恆居民，《路加》版本的約瑟本來是拿撒勒居民），起碼有一本是捏造，再加上兩版本都與歷史不符兼情節荒謬，唯一可能性是兩本福音都是老作！

耶穌出生「記載」的兩個版本：
http://forum.hkudb.com/showthread.php?t=14696

又例如新約預言公元一世紀世界末日（已徹底破產接近二千年）：
http://forum.hkudb.com/showthread.php?t=14694

太多了, 我大約4-5個前, 每日寫低神每日給我的恩賜, almost 每日至少兩,三件.
e 家大約有 3xx幾件左右. 我以前心很剛硬, 神管教我都唔改, 到最後我都回轉la.
感謝主
更多見證
星火飛騰
http://www.cbnhongkong.org/sitea/modules/debaser/filelist.php?genreid=1&ref=tinyd2
恩雨之聲
http://video.google.ca/videosearch?q=SOBEM+%28%E6%81%A9%E9%9B%A8%E4%B9%8B%E8%81%B2%29+-site%3Ayoutube.com&so=2&num=100

2007-10-26 00:24:27 補充：
我大約4-5個月前, 每日開始寫低神每日給我各色各樣的恩典

神是真的,我能為此作見證

在一個很特殊的情況下我聽過神的聲音(如我說謊願神重重降罪於我),所以知道神就是聖經中的那一位,故此人要藉著耶穌(信基督教,不是天主教)才能得救.其實在現今也有很多人與神有過奇妙的相遇,只不過是可遇而不可求的經歷
其他人的真實見證:
http://b5.ctestimony.org/yxqj.htm
http://goodnews.my100megs.com/articles-p.htm
一個曾死過的人的經歷
http://bibletimes.netfirms.com/jesus/read.php?tid=5410#18672