BBQ 透爐方法？

先用分開大細塊炭，大塊的圍邊兩層，中間放一塊大平炭，
在大平炭上不同位置放幾粒炭精，然後點著炭精，
然後一路有中塊圍邊再一層切上去，
記得要封頂，中間如有大空位也要補細粒，令熱力集中，
唔駛驚無空氣會焗熄，因為熱空氣上升，冷空氣由爐底補充。

炭精一般可以燒 7 - 8 分鐘，超市買的炭因有空調會較濕，
所以點碳精後要起碼燒 5 分鐘後，驅走炭的濕氣及炭身溫度提高後，
留意炭身開始著火後，要再燒 3 - 4 分鐘才可撥火，
否則炭身度未夠，只會撥熄。

個人見過起燒全港最勁的，是石澳沙灘租爐的大嬸，
點著 2,3 粒炭精後 1, 2 分鐘，撥幾下炭塊，再求其細力撥兩下報紙，
個爐已經燒得好好。全個過程親眼睇完，快到未領悟已經攪掂。

真係本人親眼見，太勁，你可以去幫襯下，順便偷師。

又或者買火水 仲快 將碳砌井字 報紙放底 倒火水

細炭或碎炭鋪底，中間放三四粒左右炭精，點著後，將較大或長的炭以三角錐體疊上，等炭精啲火燒著大炭，期間要不斷撥火，即成！

技術好的話，10分鐘左右，包可以燒！

不用這麽麻煩，只需去五金店，買一支噴火槍，話咁快兩分鐘攪掂。