yoki sir，煩請指教技術指標vs人為因素

此股現時的最大問題是莊家未收齊貨就比人揚左出來！

你聽過你識睇圖，人地識晝圖的術語嗎？

好多莊家啲活動係唔鍾意畀人拆穿架，所以比人拆穿後，佢地會砌底個價，趕走班想搭順風車的友仔！

咁多人搭順風車，咪即是打劫個莊？唔好當個莊傻架，做得莊都係醒目仔來架！

所以我有時都唔想說得太多，因為好多野說左出來就唔靈就係這個意思！

之前安德利（８２５９）我好耐都冇講，唔畫公仔畫出腸就是這個原因，當時我講畀大家知，如果講得太清楚，就唔靈架啦！

所以我正想緊用些較〔隱悔〕的詞語！但寫果個又難，睇那個又更加難，所以好難唸，不如講少啲！

讀書是一套，實戰又是另一套，有很多都是從經驗得出來的，係書局買番來的書仔，係炒股的ＡＢＣ來架，你識買這本書，呀豬呀狗都識去書局刨吓跟住去炒股啦！

咁容易賺錢，啲錢邊度來呀？

所以股票市場唔係咁簡單的，基本上是一個賭場，即是跑馬仔一樣，講太多分析，例如晨操狀態，排位，血統，．．．一大堆的所謂基本因素，好多時都是造出來比大家睇的！最後又跑左啲乜？馬仔都有好多人為因素係入面，何況股市？

股票市場裹面有很多大鱷係入面，你以為睇下報紙看下貼士就有錢搵，世界邊度有那麼單純的事？咁易搵仲洗人捉〔古惑仔〕咩！

本應北京發展（１５４）是星期二左右，應該要開車的，但唱左出去加埋臨開車時恆指跌成千點，所以要等下一次機會，等大家遺忘下佢，跌又跌唔落一段時間，ＭＡＣＤ開始又將升穿訊號線，先至有機會開車的！

技術分析其實都是一大堆統計數字，以數字及紀錄的形式，告訴你以往這隻股的出擊手法，所以不是冇用的！但某些股票，由其是市值細那些，人為性操控因素好大！同跑馬仔一樣，跑大賽就造少啲，跑氹仔就造多啲！

你識用技術分析捉佢，佢也可以調轉用技術分析反莊番你！道高一呎，摩高一丈也！

YOKI WONG
圖片參考：http://hk.yimg.com/i/icon/16/1.gif