點解人話唔信世上有鬼, 但係當睇完鬼片之後, 會好怕黑?

因為你睇完鬼片之後,你會想返個隻鬼個樣,所以你覺得驚,同埋大多數係心埋作用。
最好唔好想,就唔會驚.
這是個人意見。

可能在黑色的地方見到,所以你會在黑色一定會怕黒。

有可能係一D心理反應...因為鬼多數比你既反應就係黑...
所以怕黑只係一D心理既反應...其實係咩都冇既...可以
係自己嚇自己既姐....(個人覺得)

係哩種情況有可能係心理壓力造成,亦有機會係遺傳甚至係後天被培養形成o既.

第一種情況,心理壓力係因為你對於無光o既地方有種壓迫感,簡單o黎講就係欠缺安全感,而且當你愈係驚o既時候,你見到任何一樣野都相對會有負面o既諗法,好似有d人夜晚出街見到自己個影都會以為係見鬼咁樣o架.

第二種情況,遺傳方面呢,就要睇下你屋企人本身係咪同樣有哩種情況發生喇,因為一般好似bb o係母親體內未出世o既時候,外界傳俾你媽媽o既意識上可能係怕黑、怕鬼,bb同樣有類似o既感覺.正等如有d人家族有某種病,小朋友被遺傳有哩個病o既基因相對亦特別高.

第三種情況,後天被培養形成,哩種情況出現o係每個人身上o既比率比較多,多數係父母、朋友成日向你貫輸黑、鬼、屍體係好恐嚇o既野,你亦都會無形中產生一種知識就係哩d野都係恐怖,所以就算你無見到實物,同樣會有驚o既感覺,好似一個小朋友無父母、無親戚、無朋友教曉佢乜野係蟑螂,其實都唔會知道係害蟲,亦都唔會識驚一樣.

之不過你問及自己係咪心理有問題,亦未必有咁嚴重,正常人認知黑、鬼、死屍、自殺等等都係負面野,所以驚見到聽到都係正常o既,如果唔會影響到你平時生活,都無必要故意克服.但係好似你哩種情況o既話,我比較建議你盡量唔好再睇哩d野囉,甚至係新聞同報紙一見到類似o既標題就跳過唔睇,等自己o既心情可以定下來先.

我個人就覺得你要知道生老病死皆正常現象,用平常心去面對類似o既新聞、事物,其實亦都唔會驚囉.好似我都好鐘意睇鬼片,可能成套戲都係一、兩個畫面恐怖,之不過當係娛樂活動睇完就算,自然就唔會有你哩種o既情況發生o架啦.平生不作虧心事,夜半敲門也不驚嘛!

心理作用,你心想,你就怕