＊我30週,第一胎,好多野想問＊

嘩, 您都有幾多問題bor, 咁我就要打多好多字啦, 不過都同您分享下啦,
1. 除左買bb衫之外, 如可以的話, 買基本要的東西(如沒有別人提供給您) : bb的沖涼盤,bb床(包括被舖等),奶遵及消毒用具奶咀等,口水堅,具備毛巾,尿片(包括濕紙巾爽生粉, 如有需要可備藥品) 這些是基本必要的, 或者我可能講漏, 您可以到百貨公司的嬰兒部看看吧, 或請教他們(職員)都可以的, 千萬不要為了慳地方而唔買, 至於bb床如果地方真的不夠, 可以考慮買一款床係可以摺起的(不是一般木床, 而是網床(其實是供bb玩波波或玩具的, 但佢設計可以加一格for bb可以睡的, 等佢大個d就比佢玩, 都幾實用的, 價錢不貴(約2-3佰元) ok百貨公司應有的可看看

2. 生之前行多d係好事, 因為可以活動下(我有左時我老豆都叫我行多d, 唔好掛住訓) 尤其差不多生之前(約30週之後) 當然每個人情況不同, 但最緊要係量力而為, 行路時資勢正確, 唔好行太耐(約15-30分鍾)ok, 如果真的發現穿水, 第一時間不要緊張(如您有電話係身可打999,或看身邊有冇人幫到您扶到一旁等待) 所以您應該通知您家人行路(最好係屋企附近)及帶備手提) 呢個case少d, 而且您行路唔係行好耐的,

3. 飲白蓮水, 因屬於涼性, 所以應於臨生前約8個月左右(自已建議, 您話9個月開始都得, 您決定, 就自己身體狀況啦)食差不多了, 其實冇規定話要確實幾時食 大約就可以了, 而且您8個星期個胎己經好隱定了, 聽老人說呢個時間飲, 容易生bor唔知係咪? 至於薑腊我個時就奶奶係我6-7個月左右就煲定了, (因他要整薑買野豬腳, 同埋整好多所以時間要耐d)視乎您係要買曬全部野整還是買現成的

4. 您要計算預產期來臨日子, 就最好多留在家中(或有家人陪同的地方) 萬一穿水或見紅, 當然係call白車啦, 點會濫用? 生仔麻, 最緊要的, 不會比人罵, (我想都唔會有人咁野蠻) 咁大件事bor! 而且您在救護車上較安全囉, 的士度咩都冇,係咪? 最緊要有電話係身, 或有人在

最後希望您生個肥肥白白的bb啦, 仲有10週(即2個月多d 唔駛咁緊張架, 放鬆d啦)
以上資料我自己經驗

2007-10-23 16:31:47 補充：
如您家中有老人的話, 可以多d聽下佢地意見, 有問題可與我分享bor, 祝快樂

其實你應該20幾週果時就開始去睇定bb用品..
又要格價喎.. 臨時臨急去買真係買貴野..
要自己去行過先知要買d咩.. 要講係度講唔晒
沙田新城市同埋西田到睇.. 起碼佢果度好多賣bb用品既舖都眾埋1齊
不過就貴囉..西田就平d 果d網床我覺得就唔好買喇.. 雖然係平又可以當床訓
不過我用少少力推幾推張床已經係咁搖 感覺上好唔安全囉..
買床唔駛買咁貴.. 都唔知bb遲d會唔會纏你訓 有d好快就纏媽咪訓唔肯自己訓
買貴左好蝕.. 玩具反斗城果d bb車我覺得ok.. 唔貴.. 都係1千至1500
d bb底衫就買多幾件啦 西田果度我見1set5件都係百幾蚊..價錢ok
同埋我覺得擺得入bb口同著上身既野唔可以貪平.. 好d既奶樽20幾蚊個
唔好聽你老公屋企人講=.= 而家都30週仲遲d先去買?
如果唔係足月就生左咁點算.. 佢地肯幫你買既咪冇所謂囉

2007-10-24 16:05:14 補充：
好多用品都已經1setset咁賣.. 好方便..基本上你係唔駛諗買幾多件..最重要既唔好聽sales講廢話.. 佢地實叫你買好多好多..

2007-10-24 16:05:42 補充：
好多用品都已經1setset咁賣.. 好方便..基本上你係唔駛諗買幾多件..最重要既唔好聽sales講廢話.. 佢地實叫你買好多好多..

問題1.
其實bb的東西有些真的沒有用,是商人吸引我們去買,買回來後很多都用不著的, 我建議你bb衫最好用二手(就即係問人取, 因為bb快大,而且多數係家裡,所以有幾套出街見人就得), 還有等bb出世後你一定會心思思再買,所以現在買太多只會浪費錢.,其實別人多數都會送衫或被給BB的,所以有些要一,兩件就足夠了.


1.初生紙尿片 - 1包用Pampers 都ok, 唔好買咁多, 好快就轉 (BB出世後初頭大得好快,到左6個月後就開始慢下來)
2.BB濕紙巾 - 1-2包 其實個個牌子差不多
3.棉花球 (可以不買也無所謂, 我個bb好小用來洗臉,唔係佢唔洗臉,只係用沙巾摺到好細咁洗) 棉花棒 一定要買用來清潔耳朵殼和肚臍 (耳孔就不好啦)
4.BB床 (多數包床褥), 其實用二手都有好處,因為有其他bb訓過,佢地有一味係張床到,bb個有親切感
5.吸鼻器- 就不用買,多數用不著,BB會打咳嗽時會出來的,
6.床單2-3張 (有時無咁快乾,而且可能換得密d, e.g.呵尿呵濕左)
7.BB被,床圍這些現在都有一套套買的,一套就够,最好買些毛巾/棉質被(不用太大張), 因為有時候不是很冷,用得著,而且洗也放便, 出街時都要用,還有是穿得多衣服時,可以不用蓋咁厚被子, 因住熱親BB, 雖然冬天,但香港現時天氣有幾凍呢, 多數BB都係大汗的.
8.BB枕頭 (就不要買,因為我bb都用唔著,我還買了2個, 佢當公仔咁攬住,用來裝飾張床就差不多) 包被 2張 (不過有可能別人會送給你的, 最穏陣買1張先)
床墊 – 你看看d床褥是否一面係防水,如果有就無謂買啦
9.8安奶樽 - 6-8個 不用買4安奶樽, 換奶咀還好, 因為4安奶樽用來飲水,再大些bb飲水飲好多,咁到時都要用8安奶樽,(本人用Avent) 我要提你,bb個奶樽很重要,個奶咀一定要貼實個咀,除左會入風外, 還會流奶,咁bb飲幾多你都唔知, 不要貪靚,個bb未懂得分
10.奶樽盒膠箱一個
11.消毒奶煲 - 1個 (要看看你用甚麼牌子, 我弟婦話最好除了有消毒外,還要有蒸乾的功能)
12.奶刷 - 2 個 (一大一細)
13.奶粉格 - 1個
14.暖奶器 – 不要買,等同你放在熱水杯上一樣, 快無幾
15.洗奶瓶專用清潔液 - 1支
16.保溫熱水瓶 - 1個 (如果你不是出很久的話,買個細細地就足夠,放便出街)
17.奶咀 (唔係個個BB食, 有些BB真的不喜歡的)
18.和尚袍 - 6件, 甲那衣 - 6件, 羊毛內衣 - 2件 (不過因住敏感, 最好用甲棉個隻)
帽 - 1-2頂, 紗巾 -~12條 (永安有一隻我覺得幾好, 一面係沙巾,一面係毛巾), 抹身大毛巾 – 2條
19.BB車 - 1部 要注意安全帶還有就是下面個藍是否放便放東西, 還有就時上面個推手位,最好是士的,因為放便掛袋,如果你BB早期唔係時常出街,我建議你到BB6個月才買, 因為同BB出街好煩,尤其坐公共交通工具時, 最好用咩帶
20.High-chair 遲些買BB要等到6個月才懂得坐,最好有碌,放便推住走(係家裡)
21.探熱針 (耳探) - 1部
22.指甲鉗 – 1-2個 (有時會唔見)
23.安全扣針 - 4-6個 (看門口用)
24.BB沖涼液 - 就唔好用, 因為BB皮脂很少的, 最好用QV的BATH OIL, 有滋潤皮膚作用
25.BB洗頭水 (BB無頭皮,有先用如果時時用很傷頭髮和頭皮, 用水洗就得或者用加左BATH OIL的水)
26.沖涼盆 & 細盤
27.暖爐/暖風機(冬天)

問題2. 行多d街會容易生, 唔會咁容易穿水的.

問題3. 最遲1個月前要煲薑醋,如果唔係好難食的, 8個月開始食白蓮鬚糖水會好些(如果你熱氣,就煲密d,

問題4. 如果bb有可能早出世,系屋企穿水/見紅系即刻落街坐的士, 最好係陣痛未密前,沖涼洗頭.

1. 第一胎唔會生得咁快，多數都痛幾個鐘先生得出，如果你一穿水，bb就即刻出世，你就好彩啦！生多幾個都唔怕。

2. 除左呢隻糖水，食西瓜都可以清胎毒。

3. 生左先煲薑醋都唔遲，因為生完唔可以即刻食，起碼要過十二朝，如果屋企人得閒咪生左先煲 law！

4. 買定奶咀啦！因為奶咀要煲多幾次，bb先食得舒服。

2007-10-25 13:06:15 補充：
唔係嚇你，touch wood !
我都覺得生之前果個月先準備，因為我見過預產期前兩星期，個bb無左，所以避免麻煩，都係越遲越好！