關於女仔練腹肌問題 10points

都係sit up 每次30下 休息25分鐘再做 重複做5次以上 4個月後 有8舊腹肌

你同嗰啲人講乜都無用嘅,無論你問咩問題,總之同纖體呀,減肥呀,瘦身呀,做運動呀呢啲嘢有關,嗰啲人就會留啲廣告比你,永遠答非所問,次次都copy返同一篇嘢,連打字都慳返,你睇返我問嘅問題就會明白㗎啦!
言歸正傳,你做咗sit up都只係兩星期啫,邊有咁快見效㗎,起碼都要3-4個月先會有線條出現.而且要練腹肌,係有秘訣嘅,不過你又唔去做gym,喺屋企做可能有啲困難,不過我即管話比你知,嗱等我長氣啲,先講喺外面做gym時會樣點做sit up,佢地嘅器械係一塊板,可以調教斜度嘅,當塊板平放喺地下時,因為係水平狀,所以做得最輕鬆,一般人纖體,都係咁做㗎喇,但係如果要練腹肌,因為要鍛鍊肌肉,所以就要用多啲力量嚟刺激啲肌肉,所以要用比平時更多嘅力量做先得,就係將塊板打斜放,當然越斜就越辛苦,越更加用力,練出嚟嘅腹肌就越結實,一般大隻佬做嘅sit up塊板嘅斜度大概45度左右,你可以因應自己需要嚟調教.
但係你喺屋企做,搵塊板就唔難,但點樣先可以將塊板打斜放,仲要放得穩,而你坐上去又唔會(線)返落嚟呢?你要自己諗吓喇.
仲有一個方法,我唔記得叫什麼,好似叫引腿上升,做法係你瞓喺地下或者床上都得,放平雙手和伸直雙腳,呈十字形狀,然後用腰力提起雙腳,記住一定要伸直,不可屈曲,提起差不多45度,放返落嚟,但不要貼到地面,因為唔可以比佢有停低休息嘅機會,然後又再提起,又再放低,重覆來回,直至腹部疲倦為止.呢個方法一樣可以練腹肌.再配合sit up應該可以事半功倍.

個人覺得pilates來練腹肌效果很好, 一個星期做二至三次。不過, 只靠做運動是不足夠的, 要控制飲食, 减少吃高脂和高糖的食物, 而且少吃多餐, 才會成功。

以下網址有關於pilates 運動的資料, 希望能幫到你。http://pilates.about.com/

sit up練腹肌每次十下做六至八租做時動作越慢越好一星期做三至四次半年左右就會有靚腹肌