瑩光捧點解會破壞環境??(20分)

螢光棒係一個塑膠管, 包住兩種由玻璃分隔的化學物, 仲有螢光的物料, 你扭枝螢光棒, 整爛個玻璃, 2 種化學物混合, 就會令螢光物料「發光」~

如果玩完螢光棒亂咁掉, 陽光會曬溶表面的塑膠, 或者令佢變質 (eg 變黃, 變脆), 呢個時候 d 化學物質就會流左出來

如果俾呢 d 化學物質你, 你會唔會飲? 就算佢冇毒, 飲左都冇益啦!! 你諗下呢 d 野流左入泥土, 俾植物吸左, 棵植物健康受損 (或者植物組織會帶有毒性), 動物食左植物之後又會吸左呢 d 毒

或者流左入溪澗... 就會毒到 d 魚, 同埋好多昆蟲的幼蟲

即使你冇「亂咁掉」, 好乖咁掉落垃圾桶.... d 螢光棒去到堆填區 (又或未去到之前) 會因為擠壓等原因破裂, 咁 d 化學物質又會 o係堆填區流出來, 流入附近的土地, 溪流或海洋, 都係會污染環境 ga!!!

最後就係.... 個塑膠管..... 小學都有教啦~ 塑膠好難自然分解 ga ma.... 製造塑膠垃圾都唔係咁好啦~ 係咪?

我以前中秋節都會玩螢光棒 ga, 知道左之後就唔再玩了~ 記住唔好玩咁多啦!!!



PS 我呢度所講 gei 「毒」, 未必係指毒死人 gor 隻, 可以係毒唔死, 但令到細胞有病變的, 例如有 d 海洋生物, 住 o係受污染的水域, 係會被毒到變成雌雄同體 or 某 d 身體功能受損的~