有關停車熄匙一問

分開答.

1. 如果經常性停車熄匙，大約隔十多分鐘又著番匙，一日會有十零次左右。會唔會好傷車？
答：唔會！撻車最傷害引擎是放了一整夜後，偈油已沉底，引擎起動開始時，偈油未上到氣伐時，氣伐乾磨就會有輕微損耗，隔十多分鐘又著番匙，ｄ偈油都仲未落，一定無問題啦！
至於電池方面，如果一日撻十零次，又行番一定咪數去叉番電，咁就無問題，但如果撻車次數多，行車咪數少，就要咁上下日子去叉吓電．

2. 如果經常性停車熄匙，大約隔十多分鐘又著番匙。會唔會好食油呢?
答：唔會！停車剩燒油十多分鐘比起撻車呢一吓,無得比啦!

3. 如果每次停車又唔會太耐，都係十多分鐘左右，究竟熄匙好還是著住車好呢?
答：熄匙.

2007-10-26 03:31:12 補充：
駕駛經驗：１８年身為車主：１５年

回樓上人兄,我係用貨van揾食.每日停車熄匙,上貨落貨,無十次都有八次.部貨van都用咗9年,又唔見個士達有事.而個電池又只有三年左右命仔.你熄唔熄匙個電都會壞.所以為人為己,在可以情况下,最好熄匙啦.大家環保環保一下.

回應樓上果位

1. 如果經常性停車熄匙，大約隔十多分鐘又著番匙，一日會有十零次左右。會唔會好傷車？

答： 會， 會傷車。 無錯係 engine 方面黎講，的油未到底係無甘傷。
但係每一次撻車係會對 starter 同埋 Battery 有損耗。
一兩年內係唔會見到傷害。 但係長遠地/相對地就要快的換 Starter, Battery. 仲有 ignition。

我自己都有咁嘅情況,我就一定熄匙
十幾分鐘喎,一日十幾次,加埋成兩三個鍾,右嘥油右唔環保
車就唔會點傷嘅,係電池會縮短壽命,因為機器起動時比較需要多D電同油
成日咁叉電同放電,所以電池就快壞D
但如果熄車就可以慳番D油,絕對除笨有精!

就我個人黎睇，我停車多數都熄匙，當然如果係好短時間(十分鐘內)都會著住車啦，不過我都幾信除非立例，多數人都唔會應架喇！點解？因為人係好自私架嘛！著住車開住冷氣就最好，話知你出邊人吸熱氣廢氣，最重要自已舒服，熄匙又著車我唔知傷唔傷，如果呢個都係理由就更加多人唔做，無他既，又係自已利益行先囉，講到尾，除非你做送貨，有乜可能一日有十幾次熄匙開車呀？