曾長期在日本留学或生活的朋友

我冇樓主八年咁多，只係住左兩年東京，只有變得更加珍惜香港的一切。可能因為我二十二歲先過去，好難洗到腦？有返少少sense都知道中國人在日本係『外國人』，拎住張cert. of alien(外國人身分證上的英文係叫大家做alien 而非foreigner)，日本人個民族意識好強，佢地就算同你再frd你都係『外族』，我好難會想/打算去溶入佢地社會同團子。

我唔係住宿舎的，一個人在外面租屋，好多本地人都不太想同『中國人』打交道。香港人和中國人其實在日本人心目中冇咩分別，一樣都係『次等人』。可以話我一竹篙打一船人，但我幾有呢種感覺....

話冇日本人做到frd？又唔係。
香港人話自由行破壞香港形象時都會知道大陸有好多精英，大陸人唔係個個冇公德，之不過好多都俾人感覺唔好啫。
日本人普遍好有禮貌，但對多左會覺得佢地好假(定香港人/廣東話太真實？)
但要愛上日本民族忘記自己所有過去，我又做不到。
我都知道有d 後生仔女，因崇日而去日本(我本身唔好日本偶像和動漫等等)，佢地見到東京兩個字已經暈哂大浪，根本唔會諗得太深入。如果只係醉生夢死，玩，食.....咁日本的確好新奇好好玩。

離開香港後諗返在香港有親人朋友，好多同聲同氣一齊成長的人....都係覺得香港好。可以話我一直覺得我的根是在香港吧.

其實冇話誰的答案一定啱，因為人人感覺同經歷都唔同。
如果有個香港細路仔三歲到二十三歲都生活在日本，我會當佢日本人多過香港人
好似好多97年移民的小朋友已經係黃皮白肉的鬼仔一樣...

可以有個機會大家講下當時生活同感受我都好開心, 同時都希望睇下大家係點睇^^

我已經在東京生活了九年, 完全同意以上三位朋友的說法.
我差不多每年都回香港一次, 每次回香港, 都覺得香港比東京來得更有活力. 連我的日本人老公都喜歡香港. 就算我已經來了東京九年, 也不會忘記我的母語廣東話, 因為可以在網上聽到香港的歌曲. 還有香港的劇集, 看過學警狙擊, 烈火雄心3. 甚麼Laughing 哥我都知道, 謝安琪的囍帖街, 我都識唱. 因為Internet世界已變得越來越小.

將來我有小朋友的話, 我會教他們廣東話和記得香港也是他的故鄉.

我喺名古屋生活咗只係三年半，慚愧地日文都係一般。雖然自己都有啲愛日本，但唔代表唔愛香港唔愛中國。日本有很多東西我們可以向他們學習，尊重文化啦，尊重有學識有人生閱歷嘅人，愛護自己的環境啦等等。但這樣，就不須用來比較自己（香港，中國）點樣點樣唔好，（如果想，我們也有日本人的心思去面對去解決自己的問題不是會更好嗎？）其實，日本文化也是中國文化來的，單是這樣想，我們又怎麼覺得自己是次等的呢？（別人怎想是別人的事）很多事也有不同的成因，為甚麼日本到現在仍不願面對戰爭過犯？「正義」美國不正是其中一個原因？中國自己也只周旋於拜靖國神社和一個中國原則之表面，中國自己又怎對當年的老兵？不也是國民黨打共產黨共產黨打國民黨？有沒有正面評價過老兵們？（看最近的亞洲週刊，都快老死了，一個記念章也孤寒不給）日本人怎看待為國捐軀的人？可憐的是，這些愛國情操被極右勢力常被利用大造文章。但日本可幸的是仍有人站出來反對不平事，日本民眾也不是傻的，他們會理智選擇。我們的政客不是只著於表面的爭辯，為反對而反對，多做些實事少表演的話多好。
我在日本生活的那一段日子，要不是有那麼好的日本人幫我，我一早就放棄了。日本人對陌生人開始時多會有些害怕，但熟悉了之後又很熱心的去幫你的。
現在很多人心智不成熟，甚至到老到死的一刻也一樣，我們可以怎樣？
為了他們激氣值得嗎？既然他們以流中國人的血為恥，就讓他們做日本人（自以為的）好了，既然那位「你等廢」可以厚顔至去拜靖國的話，勞氣有用嗎！你越罵他便越注目了。最好當佢透明。你誤解佢又好佢讓你誤解又好，係friend咪出於一場朋友提提佢，否則咪當識多種人囉。我都識啲人喺上堂時開埋口問老師：這個情况老闆點講員工點講。一直強調自己係老闆！

我自己在日本生活時的確也會一時忘記少少廣東話，忘記倉頡點打，因為我的IQ有限，不能同時處理多種語言（所以我很佩服可以做即時傳譯的人）
香港有好多人鍾意日本做嘢，喺香港咪一樣有好多日本人寧願少啲人工都選擇留喺香港，so what?

「班門弄斧」