最佳裝修季節

你的憂慮我很明白因我曾經有此經驗, 3月收樓之後都考慮好唔好即時裝修, 最後當然有啦, 我唔係有錢人, 唔可以等咁耐, 最重要係找個好既師傅, 佢地會安排工作程序, 我住左6年多, 裝修得最靚係幅牆, 個幅牆都好大但油得好滑, 完全無痕跡, 多年來都無泡起.

我亦唔會叫師傅開冷氣抽濕, 你知嗎? 你到時收到張單真係會嚇死你, 況且裝修期間沙塵滾滾, 入左冷氣機就會壞, 師傅反而會包好冷氣機.

香港天氣就算夏天都濕, 但是如下雨天裝修就會差d.

通常裝修旺期係11-12月聖誕、1-2月農曆年前同埋6-7-8暑假，3-5、9-10月係比較靜的．
3、4月天氣潮濕對於油漆灰底係有些少影響的 (好多時一二日都乾唔透) ，尤其近幾年天氣潮濕好嚴重，我試過油上牆的漆油(外牆)，第二天流番落地．
不過，唔介意電費或環保問題的話，可請師傅開冷氣或抽濕機幫助，試過有個客車十部抽濕機到地盆．
其實都係就自已時間．

第一次聽到裝修原來都分季節, 蝦 .... 你都好有諗頭喎。

其實你所擔心的, 都唔係最重要的 point, 最重要, 係位裝修師傅本人夠唔夠專業。如夠專業, 咁就唔驚佢會分心啦。而且, 香港天氣本身就係潮濕, 總之識出太陽就無問題。所以, 最好, 就係搵熟人做。如無, 就問好朋友, 同你好朋友熟的裝修師傅都信得過。

我見過好多人都係搵熟人介紹, 但係, 往往介紹的都唔係話太好, 因, 搵到個裝修師傅, 往往已經隔開左兩三重關係, 所以, 通常都搵唔到真係夠專業的師傅。

所以最緊要搵有信譽的裝修師傅呀 ~~