倉鼠的死前徵狀

✔ 最佳答案

我就唔建議鼠鼠有病去寵物店問,因為有D病寵物店未必有藥同儀器幫到你,始終寵物店係做生意既地方,就好似店內咩零食佢都會話鼠鼠鍾意同對鼠鼠好,但諗真d就會明白,食咁多類零食係好冇益
尋日有人既鼠夾到腳,最後寵物店叫佢買左皮膚病藥水,萬一唔好彩遇到D咁既情況,鼠鼠既病有機會會惡化,同埋好易延遲左去醫呢

係咪就唻死就要睇返係咩情況,只係話大便有條紅色既野,始終唔太了解實況,有好多野要留意返

如果真係大便有血,可能係腸胃出血,又或便秘令鼠鼠排便困難而出血,內臟既問題要搵獸醫先處理到

A.首先要留意返以下問題:

1)係咪真係大便有血?
留意會唔會係身體第d地方有血,又或有血尿整左落便便度?前者係外傷,後者就可能係膀胱or腎有問題
個籠又會唔會有d紅色野會甩色整到落去?

2)呢兩日有冇俾紅色色素既野食俾鼠鼠食?
有時鼠鼠食左某d色既食物,都會在排泄物見到該顏色既

3)鼠鼠唔郁定訓覺?
唔知你所講既你返屋企見佢唔郁係咩意思呢?係望住佢見到佢唔郁,定係抱佢上手or掂佢都冇反應?

鼠鼠係夜晚活動日頭訓覺,如果日頭見鼠鼠成日訓都未必係唔舒服既,最緊要係佢有食野
如果係抱上手都唔郁就要留意,但因為只係買左鼠兩日,鼠鼠應該未咁快適應到環境,有時嚇親都會較呆,怕人同食少1左野

一般買鼠鼠返唻頭兩日其實唔好打擾鼠鼠,若一買返唻就成日攪鼠鼠,鼠鼠受驚其實都較易誘發疾病既,當然佢唔舒服都要留意多d鼠鼠,只係留意都要小心,唔好嚇親鼠鼠呀

B.如果不幸真係大便有血,而又唔係便秘,就要盡快睇獸醫了,可參考以下獸醫資料:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexo tic.com/

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org. hk/chi/vet/vetclinic .html
愛護動物協會流動醫療車資料:
http://www.spca.org. hk/chi/vet/moclinic. html
診金百幾,藥及手術另計

C.唔會去睇又或未咁快去到既,可以做以下既野先:
1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.但要小心,都唔好嚇親鼠鼠

D.如果似便秘既話,就要留意:
分辨便泌:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)情況都冇改善(2日度啦),就必須睇獸醫處理

2007-10-22 13:49:27 補充：
即係肛門有條紅色既野?見到你話便便到,以為係d便便..咁條紅色既野似唔似內臟?如果係既話,照你所講有d似條直腸出左唻咁既話就一定要睇醫生做手術放返條腸入去,如果冇細菌感染既話就可能救得返,多數因為肚瀉,便秘or有壓力先會有咁既情況保持環境衛生,唔好用手攪紅色既野,盡快睇醫生吧

回答 (2)